кувәйттә кәң даирилик армийә баш иштаб башлиқлири һәрбий ишлар йиғини чақирилди

парс қолтуқи һәмкарлиқ кеңишигә әза дөләтләр, мисир, ийорданийә вә америка қошма иштатлири армийәлири баш иштаб башлиқлири кувәйттә һәрбий ишлар йиғини чақирди.

кувәйттә кәң даирилик армийә баш иштаб башлиқлири һәрбий ишлар йиғини чақирилди

түркийә авази радийоси хәвири: мисир армийәси байанатчиси полковник тамир әррифаи, йиғин башлиғандин кейин йазма байанат елан қилип, миср армийәси баш иштаб башлиқи лейтинант генерал муһәммәд фәридниң, парс қолтуқи һәмкарлиқ кеңиши, ийорданийә вә америка армийәлири баш иштаб башлиқлириму қатнишидиған бир һәрбий ишлар йиғиниға иштирак қилиш үчүн кувәйткә кәткәнликини уқтурди.

байанатчи рифаи, кувәйт армийәси баш қоманданлиқ иштабиниң рәсмий тәклипигә бинаән чақирилған йиғинда, мәзкур дөләтләр арисидики һәрбий һәмкарлиқлар вә оттура шәрқтә йүз бериватқан өзгиришләрни чөридигән һалда мәвҗут хәвпләргә қарши күрәш қилиш мәсилилириниң музакирә қилинғанлиқини билдүрди.

парс қолтуқи һәмкарлиқ кеңиши ичидики сәуди әрәбистан, әрәб бирләшмә хәлипилики, оман, бәһрәйин вә қатар армийәлири баш иштаб башлиқлири, ортақ мудапиә вә һәрбий һәмкарлиқни күчәйтиш тоғрисида түнүгүн кувәйттә йиғин чақирғаниди. мәзкур йиғин, 2017 – йили баш көтүргән парис қолтуқи киризисидин кейин қатар иштирак қилған тунҗи һәрбий ишлар йиғини болуп һесаблиниду.

сәуди әрәбистан, әрәб бирләшмә хәлипилики, бәһрәйин вә мисир даирилириниң 2017 – йили 5 – ийунда қатар билән барлиқ дипломатик мунасивәтлирини үзүп ташлап, уни иқтисадий җәһәттин муһасиригә елиши парис қолтуқи районида киризис пәйда қилғаниди.



مۇناسىۋەتلىك خەۋەرلەر