putin kim jongun bilen körüshüshni xalaydighanliqini bildürgen
rusiye pirézidénti wladimir putin shimaliy koréye rehbiri kim jongun bilen oylighinidin baldurraq bir waqitta körüshüshni xalaydighanliqini éytti.
türkiye awazi radiyosi xewiri: yonhap agéntliqining shimaliy koréyening «koréye merkiziy xewer agéntliqi» din neqil élinghan xewiride körsitilishiche, pirézidént putinning shimaliy koréye rehbiri kim jongun bilen baldurraq körüshüshni xalaydighanliqini, musteqil bolghanliqining 71-yilliqida shimaliy koréyeni tebrikligen waqitta bildürgen.
rusiye pirézidénti wladimir putin: «ikki dölet otturisidiki munasiwetlerning dostane we mesilini hel qilidighan xaraktérde bolghanliqidin memnunmen. ikki dölet munasiwetliri nuqtisida muhim mesililerni we rayonning muhim mesililirini muzakire qilish üchün baldurraq bir waqitta, silar bilen körüshüshke teyyar ikenlikimni bildürmekchimen» dédi.
pirézidént putinning yene, ikki koréye bilen moskwa bar bolghan üch terep iqtisadiy layihelirini öz ichige alghan özara hemkarliqlarni tereqqiy qildurushni ümid qilidighanliqini tilgha alghanliqi qeyt qilndi.
kim jongunningmu ikki döletning dostane munasiwetlirining tereqqiy qilishini ümid qilghan putinning telipige jawab qayturghanliqi eskertildi.
pirézidént putin iyun éyida shimaliy koréye rehbiri kim jongunni séntebir éyida rusiyening wladiwostok shehiride ötküzülidighan dunya munbiri yighinigha teklip qilghan idi.
kim jongunning munber yighinigha qatniship-qatnashmaydighanliqi hazirche éniq emes.
rusiye tashqi ishlar ministiri sérgéy lawrow 31-may shimaliy koréye rehbiri bilen körüshüp, ikki dölet munasiwetlirini we koréye yérim arili etrapida peyda bolghan yéngi özgirishlerni muhakime qilghan idi.
