xitay soda urushida amérikaning ghelibe qilalmaydighanliqini bildürdi

xitay hökümiti aq tashliq kitab élan qilip, amérika öz aldigha bashlighan soda ixtilapliri we soda urushlirida ghelibe qilalmaydighanliqini bildürdi.

xitay soda urushida amérikaning ghelibe qilalmaydighanliqini bildürdi

türkiye awazi radiyosi xewiri: xitay hökümiti élan qilghan «xitay we dunya soda teshkilati» namliq aq tashliq kitabta, amérikaning öz aldigha bir tereplimilik halda bashlighan soda ixtilapliri we soda urushlirida ghelibe qilalmaydighanliqi tekitlendi.

kitabta, xitay hökümitining türkiye bilen qolni qolgha tutup, küchni birleshtürüp, köp terplimilik soda tüzümining, téximu ochuq-ashkara, keng dairelik, teng behiriman bolidighan, tengpungluqqa ige we teng payda alidighan pirinsiplargha tayanghan halda tereqqiy qilishini kapaletke ige qilishini nishan qilghanliqliri bildürüldi.

iyun éyida élan qilinghan «xitay we dunya soda teshkilati» namliq aq tashliq kitab iyun éyida élan qilinghan bolup, dunya iqtisadidiki tereqqiyatlargha munasiwetlik bayanlargha orun ajritildi.

kitabta, bu mezgilde xitay we türkiye otturisidiki iqtisadiy we soda hemkarliqi munasiwetlirining izchil tereqqiy qilghanliqi, ikki dölet soda omumiy hejimining 21.9 milyard dollargha yetkenliki, hazirning özide xitayning türkiyening ikkinchi chong soda shérikige aylanghanliqi eskertildi.

kitabta mundaq déyildi:

«xitayning éléktiro méxanikiliq mehsulatliri, yuqiri téxnikiliq mehsulatliri we kündilik turmush istémal malliri türkiyede istémalchilarning yaqturushigha érishti. türkiyeningmu kanchiliq mehsulatliri, néfit-ximiye mehsulatliri we yémek-ichmek mehsulatliri xitayda qarshi éliniwatidu, soda layihelirimiz we özara hemkarliqlirimiz téz sürette tereqqiy qiliwatidu.»

türkiye shirketlirining xitaygha salghan mebleghliri muqim éshiwatqan bolsa, xitay shirketlirining türkiyege salghan mebleghliridimu muhim éshish körülgenliki eskertilgen kitabta, shirketler we sélinghan mebleghlerge keng orun ajritildi.

kitabta, dunya iqtisadining qaytidin tüzülüsh yolining intayin egri-toqayliqqa ige ikenliki, bir tereplimilik we békinmichilik üstünlük qazanghan bu mezgilde, amérikaning öz aldigha bashlighan soda ixitilapliri we soda urushlirida ghelibe qilalmaydighanliqi, belki bazarlarning tewrinishige seweb bolup, dunya iqtisadining tüzülüsh musapisigha selbiy tesir körsitidighanliqi tekitlendi.

kitabta yene: «xitay hökümiti türkiye bilen qolni qolgha tutushup, küchlirini birleshtürüp, köp tereplimilik soda tüzümining téximu ochuq-ashkara, téximu keng dairelik, teng behriman bolidighan we teng payda alidighan pirinsiplargha tayanghan halda tereqqiy qilishini kapaletke ige qilishni؛ xelqaraliq iqtisadiy tüzümning téximu adil we muwapiq shekilde ilgirilishini tézleshtürüp, ikki döletning teng tereqqiy qilishi üchün muwapiq xelqaraliq muhitni berpa qilishni we ikki döletning ortaq menpeetlirini qoghdashni ümid qilidu» déyildi.



مۇناسىۋەتلىك خەۋەرلەر