afghanistan charek esirdin kéyin hawa sahesining kontrolluqini qoligha aldi

afghanistan hökümiti, aridin 26 yil ötkendin kéyin öz hawa tewelikining kontrolluqini qoligha aldi.

afghanistan charek esirdin kéyin hawa sahesining kontrolluqini qoligha aldi

türkiye awazi radiyosi xewiri: afghanistan pirézidéntliq mehkimisi bayanatchisi shah huseyin murtezewi, 26 yilgha yéqin waqittin buyan afghanistan hawa tewelikini kontrol qilish salahiyitining chet döletlerning qolida bolup kelgenlikini eskertti.

kabul xelqara ayrodurumigha yéngi radar sistémilirining ornitilishi bilen hawa sahesi kontrolluqining pütünley afghanistan hökümitining qoligha ötkenlikini tilgha alghan murtezewi, sistéma sayisida afghanistanning hawa sahesini kontrol qilalaydighanliqini qeyt qildi.

afghanistan puqralar awiyatsiye idarisi bashliqi mehmud shah hebibi, afghanistan hawa sahesining buningdin kéyin téximu bixeter bolidighanliqini éytti؛ u yene, yéngi qurulghan radar sistémisigha 30 milyon dollar chiqim qilinghanliqini, radarning rémont we tekshürüsh xizmetliri üchün her yili 10 milyon dollar serp qilinishi kéreklikini tekitlep ötti.

sowét ittipaqi teripidin qurulghan kabul ayrodurumidiki kona radar sistémisi, 1990 – yillardiki ichki urush esnasida buzghunchiliqqa uchrighanidi.

2001 – yili taliban tüzümining yimirilishi bilen, afghanistanning hawa sahesi kontrolluqi chet küchlerning qoligha ötüp ketken, 2014 – yili afghanistan dairilirige tapshurup bérilgendin kéyin, bir xususiy shirketke bérilgenidi.


خەتكۈچ: hawa sahesi , afghanistan

مۇناسىۋەتلىك خەۋەرلەر