әһмәди ниҗад иран пирезидентини истепа беришкә чақириқ қилди

әһмәди ниҗад пирезидент һәсән руһани вә гурупписиниң һакимийәт бешида туривиришиниң хәлққә зийини барлиқини илгири сүрди.

әһмәди ниҗад иран пирезидентини истепа беришкә чақириқ қилди

түркийә авази радийоси хәвири: иранниң сабиқ пирезиденти мәһмуд әһмәди ниҗад, хәлқниң һөкүмәткә болған ишәнчиси қалмиғанлиқини илгири сүрүп, пирезидент һәсән руһанини дәрһал истепа беришкә чақириқ қилди.

әһмәди ниҗад иҗтимаий таратқу һесабидин елан қилған видеолуқ сөзидә, мәмликәтниң һазирқи вәзийитидин хәлқниң қаттиқ биарам болуватқанлиқини ейтти.

дөләт иқтисадиниң парчилиниш басқучиға келип қалғанлиқини тәкитлигән әһмәди ниҗад, «хәлқниң дөләткә болған ишәнчиси асасән дегүдәк нөлгә чүшти» деди.

әһмәди ниҗад пирезидент һәсән руһани вә гурупписиниң һакимийәт бешида туривиришиниң хәлққә зийини барлиқини илгири сүрүп, «хәлқниң мәмнунийитини қолға кәлтүрүшниң бирдин бир йоли, һакимийәт бешида туривиришни давамлаштурмаслиқиңиздур» деди.

 



مۇناسىۋەتلىك خەۋەرلەر