birma hökümiti xelqara jinayi ishlar sot mehkimisige qattiq naraziliq bildürdi

birma tashqi ishlar ministiri we pirézidéntliq mehkimisige mesul dölet ishliri ministiri aung san suu chiining ishxanisi bayanat élan qilip , xelqara jinayi ishlar sot mehkimisining birmani sotlash salahiyitige ige emeslikini eskertti.

birma hökümiti xelqara jinayi ishlar sot mehkimisige qattiq naraziliq bildürdi

türkiye awazi radiyosi xewiri: birma hökümiti, xelqara jinayi ishlar sot mehkimisining, birmadiki 700 mingdin artuq arakanliq musulmanning xewpsizlik mesililiri yüzisidin bangladéshqa qéchishini keltürüp chiqarghan jinayi qilmishlarni tekshürüshke tutush qilishini qattiq ibarilerni ishlitip eyiblidi.

birma tashqi ishlar ministiri we pirézidéntliq mehkimisige mesul dölet ishliri ministiri aung san suu chiining ishxanisi teripidin élan qilinghan bayanatta, gollandiyediki mehkimining, eza dölet bolmighanliqi üchün, birmani sotlash salahiyitige ige emesliki eskertildi.

xelqara jinayi ishlar sot mehkimisining yüz minglarche arakanliq musulmanni bangladéshqa qéchishqa mejburlighan seweblerni tekshürüshni telep qilishi, birma hökümitining némishqa resmiy yosunda jawab bérelmigenlikining sewebliri otturigha qoyulghan bayanatta, bu heqte sotlash salahiyitining telep qilinishi «muwazinetsiz we estayidil qaralmasliqi kérek bolghan» bir ehwaldur, déyildi.

birma hökümiti, xelqara jinayi ishlar sot mehkimisini, rim salahiyitige terep emes dölet birma üstidin tekshürüsh élip bérishni telep qilish arqiliq xelqara qanungha xilapliq qilish bilen eyiblidi.

xelqara jinayi ishlar sot mehkimisi mupettishi fatou bénsoda, aprél éyida birmadiki zorawanliq weqeliridin qachqan arakanliq musulmanlarning bangladéshqa kélishige seweb bolghan amillarni tekshürüsh üchün, tekshürüsh salahiyiti bérilishini telep qilghanidi.

xelqara jinayi ishlar sot mehkimisi, birma hökümitige, mezkur telepke jawab qayturush üchün 2018 – yili 27 – iyulghiche möhlet bergenidi.



مۇناسىۋەتلىك خەۋەرلەر