бирма һөкүмити хәлқара җинайи ишлар сот мәһкимисигә қаттиқ наразилиқ билдүрди

бирма ташқи ишлар министири вә пирезидентлиқ мәһкимисигә мәсул дөләт ишлири министири ауң сан суу чииниң ишханиси байанат елан қилип , хәлқара җинайи ишлар сот мәһкимисиниң бирмани сотлаш салаһийитигә игә әмәсликини әскәртти.

бирма һөкүмити хәлқара җинайи ишлар сот мәһкимисигә қаттиқ наразилиқ билдүрди

түркийә авази радийоси хәвири: бирма һөкүмити, хәлқара җинайи ишлар сот мәһкимисиниң, бирмадики 700 миңдин артуқ араканлиқ мусулманниң хәвпсизлик мәсилилири йүзисидин баңладешқа қечишини кәлтүрүп чиқарған җинайи қилмишларни тәкшүрүшкә тутуш қилишини қаттиқ ибариләрни ишлитип әйиблиди.

бирма ташқи ишлар министири вә пирезидентлиқ мәһкимисигә мәсул дөләт ишлири министири ауң сан суу чииниң ишханиси тәрипидин елан қилинған байанатта, голландийәдики мәһкиминиң, әза дөләт болмиғанлиқи үчүн, бирмани сотлаш салаһийитигә игә әмәслики әскәртилди.

хәлқара җинайи ишлар сот мәһкимисиниң йүз миңларчә араканлиқ мусулманни баңладешқа қечишқа мәҗбурлиған сәвәбләрни тәкшүрүшни тәләп қилиши, бирма һөкүмитиниң немишқа рәсмий йосунда җаваб берәлмигәнликиниң сәвәблири оттуриға қойулған байанатта, бу һәқтә сотлаш салаһийитиниң тәләп қилиниши «мувазинәтсиз вә әстайидил қаралмаслиқи керәк болған» бир әһвалдур, дейилди.

бирма һөкүмити, хәлқара җинайи ишлар сот мәһкимисини, рим салаһийитигә тәрәп әмәс дөләт бирма үстидин тәкшүрүш елип беришни тәләп қилиш арқилиқ хәлқара қанунға хилаплиқ қилиш билән әйиблиди.

хәлқара җинайи ишлар сот мәһкимиси мупәттиши фатоу бенсода, апрел ейида бирмадики зораванлиқ вәқәлиридин қачқан араканлиқ мусулманларниң баңладешқа келишигә сәвәб болған амилларни тәкшүрүш үчүн, тәкшүрүш салаһийити берилишини тәләп қилғаниди.

хәлқара җинайи ишлар сот мәһкимиси, бирма һөкүмитигә, мәзкур тәләпкә җаваб қайтуруш үчүн 2018 – йили 27 – ийулғичә мөһләт бәргәниди.



مۇناسىۋەتلىك خەۋەرلەر