америкилиқ 5300 әскәрниң җәсити пат арида қайтуруп берилиду

түркийә авази радийоси хәвири: корейә урушида өлгән америкилиқ 5300 әскәргә тәвә сөңәк қалдуқлири пат йеқинда қайтуруп берилидиған болди.

америка пирезиденти доналд трамп билән шималий корейә рәһбири ким чоңун оттурисида алдинқи ай сингапорда өткүзүлгән учришиштин кейин, корейә урушида өлгән америка әскәрлириниң мейитлириниң қайтуруп берилидиғанлиқи елан қилинған иди.

америка ташқи ишлар министири майк помпийо әскәрләргә тәвә сөңәк қалдуқлириниң бир қанчә һәптә ичдә қайтуруп келинидиғанлиқини елан қилди.

1950 – йилидин 1953 – йиллириғичә болған мәзгилдә шималий корейә билән җәнубий корийә оттурсида йүз бәргән ички уруш, дәсләптә америка вә иттипақдашлири, андин хитай хәлқ җумһурийитиниң қатнишиши билән хәлқаралиқ сәвийәгә чиққан иди.

уруштин кейин келишим түзүш мумкин болмиғанлиқи сәвәбидин миңилған әскәрләрниң җәсити шималий корейәдә қалған иди.

сөңәк қалдуқлириниң җәнубий корейәдики бирләшкән дөләтләр тәшкилати қоманданлиқ иштабиға тапшуруп берилидиғанлиқи вә у йәрдин һавайдики һава армийә базисиға йөткилидиғанлиқи билдүрүлмәктә.

шималий корейә вә америка оттурисида өткүзүлгән тарихий әһмийәткә игә алий рәһбәр учришишида имзаланған келишимгә бинаән кимлики намәлум әскәрләрниң кимликлири ениқлинип өз дөләтлиргә қайтуруп берилидиғанлиқи җакарланди.

буниңға асасән түркийәму һәрикәткә өтти.

түркийәлик шеһит әскәрләрниң кимлики ениқланғандин кейин, тәхминән 300 нәпәр әскәрниң мейитиниң түркийәгә қайтуруп берилиши мөлчәрләнмәктә.