tramp, rusiyening saylamgha mudaxile qilghanliqini étirap qildi

türkiye awazi radiyosi xewiri: rusiye pirézidénti wiladimir putin bilen finlandiyening paytexti hélsinkida ötküzgen uchrishishidin kéyin dölitide éghir tenqidleshlerge uchrighan tramp, burunqi sözliridin yaltaydi؛ u amérika taratqulirigha bayanat bérip, amérika dölet bixeterlik tarmaqlirigha ishinidighanliqini we ularni toluq qollaydighanliqini, dölet bixeterlik tarmaqlirining rusiyening saylamlargha mudaxile qilghanliqigha dair yekünlirini qobul qilidighanliqini éytti.

emma u, «rusiyening saylamgha qilghan mudaxilisining 2016 – yili pirézidéntliq saylimining netijisige tesir körsetmigenliki» qarishini ilgiri sürüp, buningdin ilgiri rusiyening saylamgha mudaxile qilghanliqi toghrisida qarashlirini xata izahlighanliqini éytti we sözini dawamlashturup, «rusiyening mudaxile qilmasliqi üchün bir seweb bar, dep qarimaymen» dédi.

tramp, «bir roshenleshtürüwétishke éhtiyaj bar, dep qaridim. bayanatimdiki achquchluq ehmiyetke ige bir jümlemde <némishqa qilmisun> déyishning ornigha <némishqa qilsun> dégen ibarini ishlettim. jümle, <rusiye némishqa mudaxile qilmisun> bolushi kérek idi» dégenlerni qeyt qildi.

donald tramp düshenbe küni hélsinkida putin bilen uchrashqandin kéyin ötküzgen qoshma muxbirlarni kütüwélish yighinida, putinning bu heqtiki dewalarni nahayiti küchlük shekilde ret qilghanliqini, buninggha intayin qayil bolghanliqini, saylamlargha rusiyening mudaxile qilishi üchün bir birer bar, dep qarimaydighanliqini dégenidi.