мадуро: дунйа лоңқисини африқа алди

венезуела пирезиденти неколас мадуро, 2018 – йиллиқ хәлқара путбол бирләшмисиниң дунйа лоңқисини алған фирансийә миллий путбол командисидики путболчиларниң көпинчисиниң африқилиқ көчмәнләрдин тәшкил тапидиғанлиқини ейтти.

мадуро: дунйа лоңқисини африқа алди

түркийә авази радийоси хәвири: пирезидент неколас мадуро венезуелада өткүзүлгән бир паалийәттә сөз қилип, «дунйа лоңқисини фирансийә командиси алди, бирақ, улар бир африқа командисиға охшайтти. әслидә африқа ғәлибә қилди, улар фирансийәгә беришқа мувәппәқ болған африқилиқ көчмәнләрниң пәрзәнтлиридур» деди.

«йавропаниң сигнални чүшәнгән болушини үмид қилимән» дегән неколас мадуро сөзини давамлаштуруп, йавропалиқларни африқилиқларға қарши ирқчилиқ, көчмәнләргә қарита айримчилиқ қилишқа хатимә беришкә чақирди.

«африқини давамлиқ төвән көрүшти, болаң – талаң қилишти. нөвәт дунйа лоңқисиға кәлгәндә, фирансийә чемпийонлуқни африлиқ путболчилар сайисида қолға кәлтүрди» дегән мадуро, 2018 – йиллиқ хәлқара путбол бирләшмисиниң дунйа лоңқисини талишиш мусабиқилиригә саһибханлиқ қилған русийә пирезиденти виладимир путинниму утуқлуқ хизмәтлири үчүн тәбриклиди.



مۇناسىۋەتلىك خەۋەرلەر