jenubiy koréye bilen yawropa ittipaqi pikir birliki hasil qildi

jenubiy koréye bilen yawropa ittipaqi koréye yérim arilining yadro qoralliridin tazilinishi we tinchliqning ornitilishi üchün ikki terep otturisida yéqin hemkarliqlarni ornitish mesiliside pikir birliki hasil qildi.

jenubiy koréye bilen yawropa ittipaqi pikir birliki hasil qildi

türkiye awazi radiyosi xewiri: yonhap agéntliqining jenubiy koréye tashqi ishlar ministirliqini menbe körsetken xewirige asaslanghanda, tashqi ishlar ministiri kang kyungwa yawropa tashqi ishlar we bixeterlik siyasiti aliy wekili fédérika moghérini bilen téléfonda körüshüp, yawropa ittipaqining koréye yérim arilidiki tinchliq ornitish tirishchanliqlirini izchil qollishini telep qilghan.

moghérini rayondiki özara yéqinlishishtin kéyin, jenubiy koréye pirézidénti mun jain hökümitining tinchliq ornitish tirishchanliqini yawropa ittipaqining izchil qollaydighanliqini bildürgen.

diplomatik munasiwetler ornitilghanliqining 55 –yilliqini tebrikligen moghérini bilen kang kyungwa, ikki terep otturisida istratégiyelik shérikliklerni téximu chongqurlashturushni qarar qilghan.



مۇناسىۋەتلىك خەۋەرلەر