йапонийәдики су апитидә өлгәнләрниң сани 195 кә чиқти

йапонийәдики тағ ғулап чүшүш вә сәл апити җәрйанида һайатидин айрилғанларниң сани 195 кә өрлиди.

йапонийәдики су апитидә өлгәнләрниң сани 195 кә чиқти

 

түркийә авази радийоси хәвири: йапонийә дөләтлик сақчи агентлиқи алдинқи һәптидин буйан дөләтниң ғәрби қисмини тәсири астиға алған шидддәтлик йамғурлар сәвәбидин йүз бәргән тағ ғулап чүшүш вә су апити түпәйли 195 кишиниң һайатидин айрилғанлиқини елан қилди.

алақидар мәсуллар йоқулуп кәткән 60 кишини издәп тепиш хизмәтлириниң һазирму давамлишиватқанлиқини вә адәм өлүш нисбитиниң ешип кетишидин әндишә қилиниватқанлиқини қәйт қилди.

һирошима, окайама вә еһимә шәһәрилиридә 70 миңдин артуқ қутқузуш хадимлири җиддий хизмәт ишлимәктә. 

от вә тәбиий апәткә қарши түрүш агнетлиқиниң билдүришичә, һазир панаһҗайларда тәхминән 6700 киши бар икән.

йапонийәниң 19 вилайитидә җәмий 5 милйон 900 миң киши үчүн бихәтәр җайларға йөткилиш қарари чиқирилған иди.

баш министир шинзо аби апәт сәвәбидин йавропа вә оттура шәрқтә елип бармақчи болған зийаритини кечиктүрди вә сәл апитигә учриған районларда зийарәттә болди. 



مۇناسىۋەتلىك خەۋەرلەر