iran hindonéziyedin yardem telep qildi

iran muawin pirézidénti mesume ebtekar hindonéziyedin 2015-yili imzalanghan yadro kélishimini qollashni telep qildi.

iran hindonéziyedin yardem telep qildi

türkiye awazi radiyosi xewiri: iran hindonéziye hökümitidin  2015-yili imzalanghan yadro kélishimini qollashni telep qildi.

hindonéziye antara xewer agéntliqining  bu heqtiki xewiride, muawin pirézidént yusuf kallaning iran pirézidénti hesen ruhanining alahide wekili salahiyiti bilen hindonéziyege ziyaretke kelgen iran ayallar we aile ishlirigha mesul muawin pirézidént mesume ebtekar bilen körüshkenliki bildürüldi.

körüshüshte hindonéziye hökümitidin 2015-yili imzalanghan iran yadro kélishimini qollashni telep qilghan ebtekar, kélishimning hazirqi ehwali toghrisida melumat berdi.

ikki dölet munasiwetlirining tarixtin buyan yaxshi bolup kelgenliki tekitlengen körüshüshte néfit, gaz, soda we iqtisadqa oxshash mesililerdin sirt ikki dölet munasiwetlirini kücheytish mesilisimu muzakire qilindi.

ebtekar tashqi ishlar ministiri rétno marsudimu bilen körüshti.

bu yil may éyida amérikining yadro kélishimidin chékinip chiqip, irangha qaytidin émbargo yolgha qoyulidighanliqini qarar qilishigha nurghun dölet we xelqaraliq organlar naraziliq bildürgenidi.



مۇناسىۋەتلىك خەۋەرلەر