иран һиндонезийәдин йардәм тәләп қилди

иран муавин пирезиденти мәсумә әбтәкар һиндонезийәдин 2015-йили имзаланған йадро келишимини қоллашни тәләп қилди.

иран һиндонезийәдин йардәм тәләп қилди

түркийә авази радийоси хәвири: иран һиндонезийә һөкүмитидин  2015-йили имзаланған йадро келишимини қоллашни тәләп қилди.

һиндонезийә антара хәвәр агентлиқиниң  бу һәқтики хәвиридә, муавин пирезидент йусуф калланиң иран пирезиденти һәсән руһаниниң алаһидә вәкили салаһийити билән һиндонезийәгә зийарәткә кәлгән иран айаллар вә аилә ишлириға мәсул муавин пирезидент мәсумә әбтәкар билән көрүшкәнлики билдүрүлди.

көрүшүштә һиндонезийә һөкүмитидин 2015-йили имзаланған иран йадро келишимини қоллашни тәләп қилған әбтәкар, келишимниң һазирқи әһвали тоғрисида мәлумат бәрди.

икки дөләт мунасивәтлириниң тарихтин буйан йахши болуп кәлгәнлики тәкитләнгән көрүшүштә нефит, газ, сода вә иқтисадқа охшаш мәсилиләрдин сирт икки дөләт мунасивәтлирини күчәйтиш мәсилисиму музакирә қилинди.

әбтәкар ташқи ишлар министири ретно марсудиму билән көрүшти.

бу йил май ейида америкиниң йадро келишимидин чекинип чиқип, иранға қайтидин ембарго йолға қойулидиғанлиқини қарар қилишиға нурғун дөләт вә хәлқаралиқ органлар наразилиқ билдүргәниди.



مۇناسىۋەتلىك خەۋەرلەر