ezerbeyjan tashqi ishlar ministiri erméniyelik mensepdishi bilen körüshti

ezerbeyjan tashqi ishlar ministiri elmar mehmedyawro bélgiyening paytexti biryussélda erméniye tashqi ishlar ministiri zohrab minatsakanyan bilen körüshti.

ezerbeyjan tashqi ishlar ministiri erméniyelik mensepdishi bilen körüshti

türkiye awazi radiyosi xewiri: ezerbeyjan tashqi ishlar ministiri elmar mehmedyawro shimaliy atlantik ehdi teshkilati yuqiri derijilik rehber yighini üchün bélgiyening paytexti biryussélgha yétip bardi we bu jeryanda erméniye tashqi ishlar ministiri zohrab minatsakanyan bilen körüshti.

erméniyede xelq herikiti arqiliq hakimiyet özgergen we yéngi hökümet qurulghandin kéyin élip bérilghan bu tunji uchrishish yighinigha yawropa bixeterlik we hemkarliq teshkilati minsik guruppisining teng derijilik bashliqliridin igor popow, stéfan wiskonti, andréw shoffér we yawropa bixeterlik we hemkarliq teshkilati nöwetchi reisining alahide wekili andrizij kaspirizyikumu ishtirak qildi.

erméniye tashqi ishlar ministiri yawropa bixeterlik we hemkarliq teshkilati minsik guruppisi teng derijilik bashliqilirigha rexmet éytip, ularning sayisida muzakiridiki dinamik küchini dawamlashturush kéreklikini tekitlidi.

yighin asasen tunushush we pikir almashturush sewiyeside élip bérildi.

muzakire basquchidin bashqa tallashning yoqluqini bildürgen terepler, bu dairide tinchliq righbetlendürilidighan bir muhitni yaritish, özara ishenchni kücheytish, yérikchiliklerni töwenlitish üchün qedem tashlash, urush toxtitishning muqimlishishi, hujum xaraktérlik bayanatlardin uzaq turush qatarliq mesililer üstide toxtilindi.

her ikki terep taghliq qarabagh meslisining hel qilinishi jehette pikir almashturdi.

yawropa bixeterlik we hemkarliq teshkilati minsik guruppisi teng derijilik bashliqliri bolsa, erméniye bilen ezerbeyjan tashqi ishlar ministirlirige kelgüsi pilanlirini sundi.


خەتكۈچ: nato , erméniye , ezerbeyjan

مۇناسىۋەتلىك خەۋەرلەر