әзәрбәйҗан ташқи ишлар министири әрменийәлик мәнсәпдиши билән көрүшти

әзәрбәйҗан ташқи ишлар министири әлмар мәһмәдйавро белгийәниң пайтәхти бирйусселда әрменийә ташқи ишлар министири зоһраб минатсаканйан билән көрүшти.

әзәрбәйҗан ташқи ишлар министири әрменийәлик мәнсәпдиши билән көрүшти

түркийә авази радийоси хәвири: әзәрбәйҗан ташқи ишлар министири әлмар мәһмәдйавро шималий атлантик әһди тәшкилати йуқири дәриҗилик рәһбәр йиғини үчүн белгийәниң пайтәхти бирйусселға йетип барди вә бу җәрйанда әрменийә ташқи ишлар министири зоһраб минатсаканйан билән көрүшти.

әрменийәдә хәлқ һәрикити арқилиқ һакимийәт өзгәргән вә йеңи һөкүмәт қурулғандин кейин елип берилған бу тунҗи учришиш йиғиниға йавропа бихәтәрлик вә һәмкарлиқ тәшкилати минсик гурупписиниң тәң дәриҗилик башлиқлиридин игор попов, стефан висконти, андрев шоффер вә йавропа бихәтәрлик вә һәмкарлиқ тәшкилати нөвәтчи рәисиниң алаһидә вәкили андризиҗ каспиризйикуму иштирак қилди.

әрменийә ташқи ишлар министири йавропа бихәтәрлик вә һәмкарлиқ тәшкилати минсик гурупписи тәң дәриҗилик башлиқилириға рәхмәт ейтип, уларниң сайисида музакиридики динамик күчини давамлаштуруш керәкликини тәкитлиди.

йиғин асасән тунушуш вә пикир алмаштуруш сәвийәсидә елип берилди.

музакирә басқучидин башқа таллашниң йоқлуқини билдүргән тәрәпләр, бу даиридә тинчлиқ риғбәтләндүрилидиған бир муһитни йаритиш, өзара ишәнчни күчәйтиш, йерикчиликләрни төвәнлитиш үчүн қәдәм ташлаш, уруш тохтитишниң муқимлишиши, һуҗум характерлик байанатлардин узақ туруш қатарлиқ мәсилиләр үстидә тохтилинди.

һәр икки тәрәп тағлиқ қарабағ мәслисиниң һәл қилиниши җәһәттә пикир алмаштурди.

йавропа бихәтәрлик вә һәмкарлиқ тәшкилати минсик гурупписи тәң дәриҗилик башлиқлири болса, әрменийә билән әзәрбәйҗан ташқи ишлар министирлиригә кәлгүси пиланлирини сунди.



مۇناسىۋەتلىك خەۋەرلەر