tramp nato ezalirigha tehdit salghan

amérika pirézidénti donald trampning nato ezaliri mudapie chiqim toxtamini orunlimighan teqdirde, amérikaning natodin chékinidighanliqini éytip tehdit salghanliqi ilgiri sürüldi.

tramp nato ezalirigha tehdit salghan

türkiye awazi radiyosi xewiri: gérmaniyening " DPA" agéntliqining xewirige asaslanghanda, pirézidént tramp mudapie chiqimlirini köpeytmigen teqdirde, amérikaning natodin chékinidighanliqi toghrisida tehdit salghan.

nato menbeliridin élinghan melumatlargha asaslanghanda, trampning bu nuqtida ching turushi sewebidin yighinda köngülsizlikler bolghan bolup, rehberler giruziye we ukraina bilen ötküzülidighan yighinni waqitliq toxtatqan.

nato bash katipi stolténbérg pewquladde yighinda 29 rehberni bir yerge jem qilghan.

amérika pirézidénti tramp ijtimaiy taratqu adrésidin bir uchurni hembehirlep, nato döletlirining mudapie chiqimlirida deslepte %2 lik wedisini "derhal" emelge ashurushi kéreklikini bildürgen we buning %4 ge chiqirishni eskertken.

biraq, u axbarat élan qilish yighinida amérikaning natodin chékinidighanliqi toghrisida tehdit salmighanliqini éytqan.

u: "amérikani natodin chékindüreleymen, emma buninggha kérek yoq, chiqimlarni köpeytishni qobul qildi. tünügün bir az qattiq gep qildim, natogha bolghan ishenchim kamil" dégen.

u mudapie chiqimlirini teng üstige élish mesiliside intayin biaram ikenlikini éytqan.

u yene: "tünügünge sélishturghanda bügün küchlük nato bar" dégen.

u natoning amérikadin bekrek yawropagha yardem qiilwatqanliqini, nato rehberlirining rusiye pirézidénti putin bilen körüshidighanliqi üchün özige teshekkür éytqanliqini eskertken.  


خەتكۈچ: tehdit , DPA , nato , tramp

مۇناسىۋەتلىك خەۋەرلەر