asiya taratquliri türkiyediki saylam netijisige keng orun ajratti

türkiye awazi radiyosi xewiri: shinxua agéntliqi, «erdoghan halqiliq saylamlarda hel qilghuch ghelibini qolgha keltürdi» serlewhilik xewiride, jumhur reis rejep tayyip erdoghanning elrayi netijiliride texmin qilinghandin köp awazgha érishkenlikini eskertti.

xitay kommunistik partiyesining resmiy neshr organlirining biri bolghan «yershari waqti géziti» mu, «erdoghan we ittipaqi jumhur reislik we parlamént ezaliri saylimida ghelibe qildi» serlewhiside xewer élan qilip, saylam netijilirige alaqidar sanliq melumatlargha orun berdi.

yaponiye

yaponiye kyodo xewer agéntliqi, «jumhur reis erdoghan türkiyediki jumhur reislik saylimida zeper quchqanliqini élan qildi» serlewhisi astida xewer élan qildi we erdoghanning 2003 – yilidin buyan hakimiyet béshida ikenlikini xatirilitip ötti.

yaponiye xewer qanili NHK, «erdoghanning qaytidin saylinishining rayongha tesir körsitish éhtimali bar» dégen mawzuda xewer berdi we jumhur reis erdoghanning 15 yildin buyan döletni bashqurup kéliwatqanliqini tekitlep ötti.

hindonéziye

hindonéziye xewer agéntliqi antara, «erdoghan jumhur reislik saylimida utuq qazandi» serlewhisi astida xewer élan qilip, jumhur reis rejep tayyip erdoghanning %52.7 lik awazgha ériship ghelibe qilghanliqini eskertti.

tayland

taylandta chiqidighan «bangkok pochtisi géziti» ning jumhur reis erdoghanning türkiyediki saylamlarda qosh ghelibini qolgha keltürgenliki tekitlengen xewiride, türkiye xelqining tunji qétim hem jumhur reis hem parlamént ezaliri üchün bélet tashlighanliqini qeyt qildi.

malayshiya

malayshiyada chiqidighan «star géziti» ning «erdoghan saylamlarda köp sanliqni qolgha keltürdi» » serlewhilik xewiride, erdoghanning jumhur reislik saylimida omumiy awazning yérimidin köprekini qolgha keltürgenlikini yazdi.

singapor

singaporda chiqidighan «strayt taymz géziti» mu türkiyediki saylam netijisini «erdoghan jumhur reislikte ikkinchi basquchni qolgha keltürdi» dégen mawzu astida oqurmenliri bilen ortaqlashti.