erdoghan yawropa taratqulirida...

türkiye awazi radiyosi xewiri: b b s qanili, jumhur reis rejep tayyip erdoghanning saylamgha alaqidar bayanatidin kéyin «erdoghan gheyriy resmiy saylam netijiliri bilen zeper quchqanliqini élan qildi» dégen mawzu astida xewer élan qildi.

saylamlarni anadolu agéntliqi we t r t world qanilining xewerlirige tayinip teqib qilghan «guardiyan géziti» mu gheyriy resmiy netijiler élan qilinghandin kéyin, «erdoghan zeper élan qildi, biraq öktichiler téxi qobul qilmidi» dégen mawzuda xewer berdi.

skay nyuz téléwiziye qanilining intérnét sehipisi bolsa, «ghelibe qildi» dégen sözni tirnaq ichige alghan halda, «erdoghan türkiyediki pirézidént saylimida ghelibe qildi»  dégen téma astida xewer tarqatti.

awstriye

awstriyening ashqun ongchilargha yéqinliqi bilen tonulghan nopuzluq géziti «kronén», saylam netijilirini «erdoghan %53 lik (awaz) bilen saylamda qayta ghelibe qildi» dégen téma astida oqurmenlirige sundi.

«dér istandard géziti» mu türk bélet tashlighuchilarning %87 lik ishtirak qilish nisbiti bilen saylamgha küchlük ehmiyet bergenlikige isharet qilghanda halda, erdoghan we adalet we tereqqiyat partiyesining saylamda üstünlükke érishkenlikini qeyt qildi.

libéral ongchil qarashqa ige kuriér géziti bolsa, saylam netijisini «erdoghan deslepki tebriklerni qobul qilishqa bashlidi» dégen téma astida oqurmenlirining diqqitige sundi.

gérmaniye

gérmaniyede chiqidighan «bild géziti» saylamgha munasiwetlik xewiride, «erdoghan aldida kétiwatidu. biraq parlaméntta köp sanliqqa érishish mesiliside dawalghumaqta. öktichiler mudaxile qilinghanliqini ilgiri sürmekte» dégenlerni qeyt qildi.

«dér shpigél zhurnili» ning intérnét sehipiside, «erdoghan ghalibiyitini élan qildi» dégen témida xewer élan qilghan bolsa, «zéit we frankfurtér allgéiméné zéitung, «erdoghan öz zepirini élan qildi» dep, «tagéstéitung» bolsa, «erdoghan aldida, mudaxile dewaliri (bar)» dégen mawzuda xewer berdi.

«fokus» mu saylamgha munasiwetlik xewiride, «barliq béletler sanilip bolmidi, biraq erdoghan özini ghalib élan qildi» dégen ibarilerni ishletti.

firansiye

firansiyening aldinqi qatardiki géziti «lé mondé», «türkiyede saylamlar: erdoghan qismen netijilerge qarighanda aldida, öktichiler étiraz bildürmekte» dep yazdi.

dölet igilikidiki téléwiziye qanili «frans info» saylam toghrisidiki xewiride, «türkiye: rejep tayyip erdoghan jumhur reislik saylimining birinchi basquchida zeper quchqanliqini ilgiri sürmekte, öktichiler sanlargha étiraz bildürmekte» dégen ibarilerge orun berdi.

shiwétsiye

shiwétsiye dölet téléwiziye qanili SVT birinchi xewirini «erdoghan ghelibe yolida» dégen téma astida tarqatti. arqidin sanduqlarning %70 ining échilghanliqini eskertken SVT, «erdoghanning awazlarning %55ini, muherrem injening %29 ini alghanliqi» ni bildürdi.

shiwétsiyening eng chong géziti «aftonbladét», «erdoghan ghelibe qilish aldida» » serlewhilik xewiride, béletlerning yérimining sanilip bolghanliqini, erdoghanning %55 lik nisbet bilen aldida kétiwatqanliqini we eng yéqin reqibi muherrem injening bolsa, %28 awazgha érishkenlikini yazdi.

wéngiriye

wéngiriyening eng köp körülidighan téléwiziye qanili Hir TV saylam xewiride «erdoghan bashqurushqa bashlishi mumkin» dep yazdi.

wéngiriye xewer agéntliqimu «erdoghan jumhur reislik saylimida zeper quchqanliqini élan qildi» » serlewhilik xewiride,  erdoghanning birinchi basquchtila saylam zepirini élan qilghanliqini bildürdi.

ispaniye

ispaniyening nopuzluq gézitliridin «elpais», erdoghanning 2002 – yilidin buyan türkiyeni uda bashqurup kéliwatqanliqini tekitlidi we qaytidin saylinishqa muweppeq bolghanliqini aldinqi pilangha chiqardi.

«elmundo géziti» mu öktichilerning saylam netijilirini étirap qilish jehettiki isteksizlikige qarimay, türkiyening qararini chiqarghanliqini, erdoghanning awazlarning %53 ige yéqinini élip jumhur reis saylanghanliqini yazdi.

girétsiye

«proto téma géziti», «erdoghanning ghelibisi: birinchi basquchta pirézidént saylinidu, parlaméntnimu alidu» serlewhisi astida xewer élan qildi.

«éléftéros taypos géziti», «türkiyediki sanduqlar birinchi basquchta erdoghanning ghelibe qilidighanliqini körsetmekte» dep yazdi.

«katimérini géziti», saylamlarda erdoghanning aldida kétiwatqanliqini uqturdi.

bulghariye

dölet téléwiziye qanili – BNT, türkiyediki saylam netijilirining jumhur reis rejep tayyip erdoghanni ikkinchi bir 5 yilliq jumhur reislik mezgilige yollighanliqini xewer qildi.

bulghariye dölet radiyosi -  BNRwe döletning eng chong xususiy téléwiziye qanili – BTV bolsa, türkiyediki saylam netijilirini chöridigen halda, türkiyede yashaydighan bulghariyeliklerning arzu – isteklirige keng orun berdi.

gollandiye

gollandiyede chiqidighan «algéméén dagblad géziti», «erdoghan türkiyediki saylamlarda hem ghelibe qildi hem meghlup boldi» serlewhilik xewiride, jumhur reis erdoghanning jumhur reislik saylimida nahayiti rahet ghelibe qilghanliqini, biraq, parlamént ezaliri saylimida köp sanliqni qoldin bérip qoyush éhtimali barliqini yazdi.

bosniye - gértségowina, sérbiye, kirodiye, qaradagh

bosniye – gértségowinaning eng köp oqulidighan gézitliridin «dnéwni awaz» saylamgha alaqidar xewiride, bosniye - gértségowina pirézidéntliq kéngishi bashliqi bakir izzetbégowichning erdoghangha yollighan tebrik télégrammisgha orun berdi.

bosniye – gértségowinaning yene bir muhim géziti – oslobodjénjé «erdoghan ghelibisini élan qildi» serlewhilik xewiride, jumhur reis erdghan ghelibe nutuqigha keng orun ajratti.

sérbiyening resmiy xewer agéntliqi – TANJUG ning intérnét sehipisidiki xewerde, «erdoghan birinchi basquchta ghelibe qilghanliqini élan qildi» dégen ibarilerge orun bérildi.

kirodiyening muhim orunda turidighan xewer sehipiliridin «DNEVNİK» mu béletlerning %90 tin köprekining sanilip bolghanliqini eskertkendin kéyin, erdoghanning ghelibe nutuqigha keng orun ajratti.

qaradaghning resmiy xewer tori – RTCG, türkiyediki saylamlarni yéqindin közitip, «erdoghanning partiyesi saylamlarni üstünlük bilen axirlashturdi» dégenlerni qeyt qildi.

bélgiye

bélgiyening nopuzluq gézitliridin «lé soir», «erdoghan doélda ghelibe qildi» témiliq xewiri arqiliq jumhur reis rejep tayyip erdoghanning saylam ghelibisini oqurmenliri bilen ortaqlashti.

fléman tilida tarqitish béridighan «dé istandard géziti» mu «erdoghan ghalibiyitini élan qildi, öktichiler mudaxile bar démekte» dep yazdi.

daniye

daniyening uzun tarixqa ige solchil idiyediki géziti «politikén», «peqet bir basquchtila erdoghan hem jumhur reislik hem parlamént ezaliri saylimida ghelibe qilghanliqini bildürdi» dep yazdi.

«Jullands Posten» gézitimu saylamgha munasiwetlik xewiride, erdoghan téximu küchlük bir jumhur reislik orni üchün ötküzülgen saylamlarda ghelibe qilghanliqini jakarlidi, dégenlerni qeyt qildi.