holliwodning dangliq cholpini angélina juli iraqta

holliwodning dangliq cholpini we birleshken döletler teshkilatining yaxshi niyet elchisi angélina juli iraqta ziyarette boldi.

angelina jolie irak2.jpg
angelina jolie irak1.jpg

türkiye awazi radiyosi xewiri: oskar mukapatliq holliwodning dangliq cholpini, birleshken döletler teshkilati musapirlar aliy komitétining yaxshi niyet elchisi angélina juli iraqta térrorluq teshkilati daéshning hujumliri we yüz bergen toqunushlar sewebidin xarabilikke aylinip ketken musul shehirini ziyaret qildi.

amérikiliq dangliq artis juli qattiq toqunushlargha sehne bolghan sheherning gherbiy qismidiki kona musul rayonida xarablikler arisida aylandi.

rayondiki bezi ahaliler bilen söhbetleshken juli, xelqning éhtiyajliri we sheherni qaytidin qurush paaliyetliri heqqide melumat berdi.

yene bir tereptin, birleshken döletler teshkilati musapirlar aliy komitéti teripidin bu heqte élan qilinghan yazma bayanatta eskertilishiche, juli, «bu, men birleshken döletler teshkilati musapirlar aliy komitéti bilen birlikte uzun yillar mabeyniche paaliyet élip bérish jeryanida körgen eng qorqunuchluq weyranchiliq» dégen.

insanlarning hemme nersisidin ayrilip qalghanliqini, öy – makanlirining weyran bolghanliqini, nahayiti yoqsul ikenlikini, qol ilkiliride baliliri üchün dora yoqluqini, hetta balilirining süyiningmu  yoqluqini eskertken juli, rayon xelqi térrorluq teshkilati daéshning ishghaliyiti seweblik til bilen teswirligüsiz azab – oqubet we derd – elemlerni tartqanliqini, nöwette nahayiti cheklik yardemlerge tayinip qaytidin ulargha öy sélip bérishke  tirishiwatqanliqlirini eskertken, shuning bilen bir waqitta, rayon xelqining shunche köp azab  - oqubet we derd – elemlerni tartqan bolushigha qarimay ümidlik ikenlikini, öy – makanlirining xarabiliklirini öz küchige tayinip bir terep qilghanliqlirini we özara yardemlishiwatqanliqlirini tekitligen.

rayon xelqining yardemge tolimu éhtiyajliq ikenlikini qeyt qilghan juli, sheherning muqimliqining pütkül iraqning hemde kelgüside rayonning muqimliq üchün zörürlükini eskertken.

u ilgirimu  iraqta térrorluq teshkilati daéshning hujumliri sewebidin öy – makanlirini terk étip köchüshke mejbur bolghan musapirlarni ziyaret qilghanidi.



مۇناسىۋەتلىك خەۋەرلەر