tramp-kim jongun uchrishishi dunya taratqulirida keng orun aldi

dunya taratquliri amérika pirézidénti donald tramp bilen shimaliy koréye pirézidénti kim jongunning singapurdiki uchrishishi toghruuq keng toxtaldi.

tramp-kim jongun uchrishishi dunya taratqulirida keng orun aldi

türkiye awzazi radiyosi xewiri: amérika pirézidénti donald tramp bilen shimaliy koréye pirézidénti kim jongunning singapurdiki uchrishishi dunya taratqulirida keng orun aldi.

amérika taratquliri donald tramp-kim jongun uchrishishi toghruluq keng toxtaldi.

washingiton pochta géziti uchrishishta chiqirilghan qararlarni ishqa ashurush mesilisining teslikini bildürgen bolsa, niyuyork waqit gézit bu qétimqi uchrishishning tasadipiy bolghanliqini, uchrishish toghruluq bérilgen bayanatlarni éniq emeslikini xewer qildi.

«NNC »téléwiziye qanili tor bétide tramp-kim jongun uchrishishini «donald tramp bilen kim jongun koréye yérim arilini yadro qoralliridin xaliylashturush üchün birlikte heriket qilishni qarar qildi»serlewhisi astida oqurmenliri bilen ortaqlashti.

engliyede chiqidighan gordiyan géziti kim jongunning «dunya zor özgirishlerge shahit bolidu»dégen sözlirini neqil qilghan xewiride, ikki rehberning uchrishishi toghruluq bergen bayanatlirining uchrishishtin kéyin hasil qilinghan kélishimge oxshashla muhim ikenlikini eskertti.

lé mondé « Le Monde»géziti  bir nechche ay ilgiri bir-birilirini «qéri adem», «kichik we sémiz adem»dep haqaret qilishqan bu ikki rehberning öz-ara kélishim hasil qilish arqiliq amérika-shimaliy koréye arisidila emes dunya tarixidimu muhim qedemlerni tashlighanliqlirini tekitlidi.

lé figaro« Le Figaro » géziti xitay we jenubiy koréyening maxtishigha sazawer bolghan we pütkül dunya teripidin yéqindin közitilgen kélishimning ikki düshmen dölet arisida tarixiy ehmiyetke ige diplomatik ilgirilesh bolghanliqini xewer qildi.  

tramp-kim jongun uchrishishi asiya taratquliridimu keng orun aldi.

shinxua xewer agéntliqi «amérika bilen shimaliy koréye rehberliri singapurda tarixiy ehmiyetlik yighin chaqirdi»serlewhisi astidiki xewiride, shimaliy koréye-amérika munasiwetliride buningdin kéyin yéngi sehipe échilishining kütüliwtqanliqini bildürdi.

xitaydiki«kündilik géziti»mu «tramp bilen kim jongun ziddiyetni azaytishqa tirishidu»serlewhisi astidiki xewiride, ikki rehberning uchrishishini «tarixiy ehmiyetlik uchrishish»dep teriplidi.

yaponiye xewer agéntliqi kiyodo «tramp bilen kim uchrishishtin kéyin keng dairlik kélishim imzalidi»serlewhisi astidiki xewiride, ikki rehberning qisqa waqit ichidila zor ilgirilesh hasil qilghanliqlirini tekitlidi.

jenubiy xewer agéntliqi yonhapmu «shimaliy koréye pirézidénti kim jongun koréye yérim arilini yadro qoralliridin tazilash toghrisida wede berdi»serlewhilik xewiride, bu qétimqi uchrishishning rayonda uzun muddetlik tinchliq berpa qilishta muhim rol oynaydighanliqini xewer qildi.

amérika pirézidétni donald tramp bilen shimaliy koréye pirézidénti kim jongun singapurdiki uchrishishida , koréye yérim arilida uzun muddetlik tinchliq berpa qilish, amérika bilen shimaliy koréye arisida yéngi munasiwet ornitish we koréye yérim arilini yadro qoralliridin tazilash qatarliq mesililerde kélishim hasil qilghanidi.



مۇناسىۋەتلىك خەۋەرلەر