трамп-ким җоңун учришиши дунйа таратқулирида кәң орун алди

дунйа таратқулири америка пирезиденти доналд трамп билән шималий корейә пирезиденти ким җоңунниң сингапурдики учришиши тоғрууқ кәң тохталди.

трамп-ким җоңун учришиши дунйа таратқулирида кәң орун алди

түркийә авзази радийоси хәвири: америка пирезиденти доналд трамп билән шималий корейә пирезиденти ким җоңунниң сингапурдики учришиши дунйа таратқулирида кәң орун алди.

америка таратқулири доналд трамп-ким җоңун учришиши тоғрулуқ кәң тохталди.

вашингитон почта гезити учришишта чиқирилған қарарларни ишқа ашуруш мәсилисиниң тәсликини билдүргән болса, нийуйорк вақит гезит бу қетимқи учришишниң тасадипий болғанлиқини, учришиш тоғрулуқ берилгән байанатларни ениқ әмәсликини хәвәр қилди.

«NNC »телевизийә қанили тор бетидә трамп-ким җоңун учришишини «доналд трамп билән ким җоңун корейә йерим арилини йадро қораллиридин халийлаштуруш үчүн бирликтә һәрикәт қилишни қарар қилди»сәрләвһиси астида оқурмәнлири билән ортақлашти.

әнглийәдә чиқидиған гордийан гезити ким җоңунниң «дунйа зор өзгиришләргә шаһит болиду»дегән сөзлирини нәқил қилған хәвиридә, икки рәһбәрниң учришиши тоғрулуқ бәргән байанатлириниң учришиштин кейин һасил қилинған келишимгә охшашла муһим икәнликини әскәртти.

ле монде « Le Monde»гезити  бир нәччә ай илгири бир-бирилирини «қери адәм», «кичик вә семиз адәм»дәп һақарәт қилишқан бу икки рәһбәрниң өз-ара келишим һасил қилиш арқилиқ америка-шималий корейә арисидила әмәс дунйа тарихидиму муһим қәдәмләрни ташлиғанлиқлирини тәкитлиди.

ле фигаро« Le Figaro » гезити хитай вә җәнубий корейәниң махтишиға сазавәр болған вә пүткүл дунйа тәрипидин йеқиндин көзитилгән келишимниң икки дүшмән дөләт арисида тарихий әһмийәткә игә дипломатик илгириләш болғанлиқини хәвәр қилди.  

трамп-ким җоңун учришиши асийа таратқулиридиму кәң орун алди.

шинхуа хәвәр агентлиқи «америка билән шималий корейә рәһбәрлири сингапурда тарихий әһмийәтлик йиғин чақирди»сәрләвһиси астидики хәвиридә, шималий корейә-америка мунасивәтлиридә буниңдин кейин йеңи сәһипә ечилишиниң күтүливтқанлиқини билдүрди.

хитайдики«күндилик гезити»му «трамп билән ким җоңун зиддийәтни азайтишқа тиришиду»сәрләвһиси астидики хәвиридә, икки рәһбәрниң учришишини «тарихий әһмийәтлик учришиш»дәп тәриплиди.

йапонийә хәвәр агентлиқи кийодо «трамп билән ким учришиштин кейин кәң даирлик келишим имзалиди»сәрләвһиси астидики хәвиридә, икки рәһбәрниң қисқа вақит ичидила зор илгириләш һасил қилғанлиқлирини тәкитлиди.

җәнубий хәвәр агентлиқи йонһапму «шималий корейә пирезиденти ким җоңун корейә йерим арилини йадро қораллиридин тазилаш тоғрисида вәдә бәрди»сәрләвһилик хәвиридә, бу қетимқи учришишниң районда узун муддәтлик тинчлиқ бәрпа қилишта муһим рол ойнайдиғанлиқини хәвәр қилди.

америка пирезидетни доналд трамп билән шималий корейә пирезиденти ким җоңун сингапурдики учришишида , корейә йерим арилида узун муддәтлик тинчлиқ бәрпа қилиш, америка билән шималий корейә арисида йеңи мунасивәт орнитиш вә корейә йерим арилини йадро қораллиридин тазилаш қатарлиқ мәсилиләрдә келишим һасил қилғаниди.



مۇناسىۋەتلىك خەۋەرلەر