xewpsizlik kéngishide ret qilinghan pelestin qarar layihesi omumiy kéngeshte qobul qilindi

birleshken döletler teshkilati (b d t) omumiy kéngishi, pelestin xelqini qoghdash telep qilinghan qarar layihesini qobul qildi.

xewpsizlik kéngishide ret qilinghan pelestin qarar layihesi omumiy kéngeshte qobul qilindi

türkiye awazi radiyosi xewiri: b d t  omumiy kéngishi, türkiyening alahide tirishchanliq körsitishidin kéyin aljiriyening qollap – quwwetlishi bilen yighin chaqirip, pelestin qarar layihesini muzakire qildi.

b d t  omumiy kéngishi, b d t  xewpsizlik kéngishide amérikining ret qilishigha uchrighan «pelestinliklerni qoghdash» toghrisidiki qarar layihesini qaytidin muzakire qilip awazgha qoyush arqiliq qobul qildi؛ layihege 120 dölet qollap, amérika qoshma ishtatliri, israiliye, awstraliye, marshal aralliri, nauru, togo, solomon aralliri, mikro néziye fédératsiyesi qatarliq  8 dölet ret qilip bélet tashlidi, 45 dölet bélet tashlashtin yaltaydi.

yighinda, amérikining qarar layihesige hamasni eyibleydighan ibarilerni kirgüzüsh toghrisidiki teklipi ret qilindi.

pelestin dölet reisi mehmud abbas qarar layihesining qobul qilinishigha «adalet we xelqara qanunning ghelibisi» dep baha berdi.

b d t  bash katipidin 60 kün ichide pelestinlik puqralarning bixeterlikini qoghdash yolida tashlinishi kérek bolghan qedemlerge alaqidar bir parche doklat teyyarlap chiqishi telep qilinghan qararda, israiliyening muwazinetsiz küch ishlitishni toxtitishi we ghezze muhasirisini bikar qilishimu telep qilindi.

pelestindiki 30 – marttin buyan küchiyip ketken zorawanliq weqelirigimu orun bérilgen qarar layiheside, balilar, sehiye xadimliri we zhunalistlarningmu israiliyening zorawanliqigha duch kelgenliki alahide tekitlendi.

b d t  omumiy kéngishi qararlirining ijraiye küchi bolmisimu, döletlerning pozitsiyesini ipadilesh jehettin muhim hésablinidu.

omumiy kéngesh yighinidin ilgiri kishilik hoquqni közitish teshkilatimu israiliyeni küchlük rewishte agahlandurup, ghezzede namayishchilarning ölüp kétishini keltürüp chiqarghan derijidin tashqiri küch ishlitishning urush jinayiti katégoriyesige kirish mumkinchiliki barliqini eskertti.



مۇناسىۋەتلىك خەۋەرلەر