b d t pelestin xelqini qoghdash astigha élish qararini qobul qildi

pelestin dölet reisi mehmut abbas b d t omumiy kéngishide pelestin xelqini qoghdashni telep qilghan qararning qobul qilinishigha, adalet we xelqaraliq qanunning zepiri dep baha berdi.

b d t pelestin xelqini qoghdash astigha élish qararini qobul qildi

türkiye awazi radiyosi xewiri: mehmut abbas pelestin wafa (WAFA) agéntliqigha bayanat bérip, pelestin xelqini qoghdash astigha élish qararini qobul qilghan b d t gha eza döletlerni teqdirleydighanliqini we teshekkür éytidighanliqini bildürdi.

pelestin tashqi ishlar ministiri riyad el maliki pelestin dölet téléwiziyesining ziyaritini qobul qilghanda, ikki zeperning qolgha kelgenlikini eskertip, birinchisining, qarar testiqlanghan teqdirde amérikaning xeter peyda qilidighan teklipining tosalghugha uchraydighanliqini؛ ikkinchisining, dunya xelqining pelestinni qollighanliqini bildüridighanliqini tekitlidi.

riyad el maliki mezkur qarar qobul qilinghandin tartip 60 kün ichide b d t bash katipining xelqaraliq qoghdash méxanizmigha munasiwetlik tekliplirini öz ichige alghan yazma doklat sunushi kéreklikini bildürdi. u mundaq dédi:

"awazgha qoyush, pelestin xelqini qoghdashni kapalet astigha élishni we bu qararni ijra qilish méxanizmning bolushini testiqlaydu. hazir éhtiyajliq bolghini, amérika we isirailiye üstidiki bésimni dawam qilish we b d t bash katibatliqini nazaret qilishtur."

türkiyening köp tirishchanliq körsitishidin kéyin, aljiriyening qollishi bilen pelestin layihesini muzakire qilish üchün b d t omumiy kéngishi yighini chaqirilghan idi. yighinda, amérika teripidin b d t xewpsizlik kéngishide ret qilinghan, pelestin xelqini qoghdash astigha élishni telep qilghan teklip layihesi qayta muzakire qilinip, awazgha qoyulghan idi.

pelestin xelqini qoghdash astigha élish teklip layihesi b d t omumiy kéngishide 120 awaz bilen qobul qilindi. qararni sekkiz dölet qollidi, 45 dölet hoquqidin waz kechti. amérika, isirailiye, marshal taqim aralliri, nayro, togo, solomon taqim aralliri we mikro néziye fédératsiyesi qatarliq döletler qarargha qarshi chiqqan sekkiz dölet ichidin orun aldi.



مۇناسىۋەتلىك خەۋەرلەر