б д т пәләстин хәлқини қоғдаш астиға елиш қарарини қобул қилди

пәләстин дөләт рәиси мәһмут аббас б д т омумий кеңишидә пәләстин хәлқини қоғдашни тәләп қилған қарарниң қобул қилинишиға, адаләт вә хәлқаралиқ қанунниң зәпири дәп баһа бәрди.

б д т пәләстин хәлқини қоғдаш астиға елиш қарарини қобул қилди

түркийә авази радийоси хәвири: мәһмут аббас пәләстин вафа (WAFA) агентлиқиға байанат берип, пәләстин хәлқини қоғдаш астиға елиш қарарини қобул қилған б д т ға әза дөләтләрни тәқдирләйдиғанлиқини вә тәшәккүр ейтидиғанлиқини билдүрди.

пәләстин ташқи ишлар министири рийад әл малики пәләстин дөләт телевизийәсиниң зийаритини қобул қилғанда, икки зәпәрниң қолға кәлгәнликини әскәртип, биринчисиниң, қарар тәстиқланған тәқдирдә американиң хәтәр пәйда қилидиған тәклипиниң тосалғуға учрайдиғанлиқини؛ иккинчисиниң, дунйа хәлқиниң пәләстинни қоллиғанлиқини билдүридиғанлиқини тәкитлиди.

рийад әл малики мәзкур қарар қобул қилинғандин тартип 60 күн ичидә б д т баш катипиниң хәлқаралиқ қоғдаш механизмиға мунасивәтлик тәклиплирини өз ичигә алған йазма доклат сунуши керәкликини билдүрди. у мундақ деди:

"авазға қойуш, пәләстин хәлқини қоғдашни капаләт астиға елишни вә бу қарарни иҗра қилиш механизмниң болушини тәстиқлайду. һазир еһтийаҗлиқ болғини, америка вә исираилийә үстидики бесимни давам қилиш вә б д т баш катибатлиқини назарәт қилиштур."

түркийәниң көп тиришчанлиқ көрситишидин кейин, алҗирийәниң қоллиши билән пәләстин лайиһәсини музакирә қилиш үчүн б д т омумий кеңиши йиғини чақирилған иди. йиғинда, америка тәрипидин б д т хәвпсизлик кеңишидә рәт қилинған, пәләстин хәлқини қоғдаш астиға елишни тәләп қилған тәклип лайиһәси қайта музакирә қилинип, авазға қойулған иди.

пәләстин хәлқини қоғдаш астиға елиш тәклип лайиһәси б д т омумий кеңишидә 120 аваз билән қобул қилинди. қарарни сәккиз дөләт қоллиди, 45 дөләт һоқуқидин ваз кәчти. америка, исираилийә, маршал тақим араллири, найро, того, соломон тақим араллири вә микро незийә федератсийәси қатарлиқ дөләтләр қарарға қарши чиққан сәккиз дөләт ичидин орун алди.



مۇناسىۋەتلىك خەۋەرلەر