mesjidi eqsada 200 ming kishi jüme namizi oqudi

pelestin xelqi ishghaliyetchi israiliyening shunche nurghun tosalghu we cheklimilirige pisent qilmastin, ramizanning éyining 2 – jüme namizini oqush üchün mesjidi eqsagha qarap aqti.

mesjidi eqsada 200 ming kishi jüme namizi oqudi

türkiye awazi radiyosi xewiri: on minglighan pelestinlikler etigen seherdin bashlapla ishghaliyet astidiki gherbiy qirghaq we quddus otturisidiki herbiy tekshürüsh ponkitliridin ötüp mesjidi eqsa terepke yol aldi.

israiliye saqchiliri ishghaliyet astidiki sherqiy quddusning sabiq sheher rayoni etrapidiki yollarni taqiwélip, aptobustin bashqa héchqandaq aptomobilning ötüishige ruxset qilmidi.

shundaqtimu pelestinlikler saetlergiche piyade yol yürüp mesjidi eqsagha yétip keldi we ramizan éyining 2jüme namizi üchün mesjidi eqsaning hoylisini liq toldurdi.

quddus weqipliri idarisidin élan qilinghan yazma bayanatta, texminen 200 ming pelestin puqrasining mesjidi eqsada jüme namizi oqughanliqi bildürüldi. 

israiliye hökümiti (numus qilarliq) ayrish témi tosaqliri arqiliq gherbiy qirghaqtin 40 yashtin töwen pelestinliklerning quddusqa kirishini cheklep kelmekte. qorshaw astidiki texminen 2 milyon nupusqa ige ghezzelik pelestinliklerning bolsa, quddusqa kirishige qetiy ruxset bermey kelmekte.

israiliye eskerliri tekshürüsh ponkitliridin arqigha yanduriwetken on minglighan pelestinlik erler ramizan éyida gherbiy qirghaqning sirtigha chiqalmighan boldi.

israiliye ruxset qilghan pelestin puqraliri bolsa, tang étishi bilen tengla quddusqa ötüsh üchün israiliye herbiy tekshürüsh ponkitlirining aldida uzun öchiret shekillendürüp bolghan idi. 

 


خەتكۈچ: israiliye , pelestin , mesjidi eqsa

مۇناسىۋەتلىك خەۋەرلەر