gitlérning 1945 - yili ölgenliki jezmleshti

firansiyelik pen – tetqiqatchilar, 2 – dunya urushi mezgilidiki natsist gérmaniyesining lidiri adolf gitlérning 1945 – yili ölgenlikini keskin shekilde delillep chiqqanliqlirini ilgiri sürdi.

gitlérning 1945 - yili ölgenliki jezmleshti

türkiye awazi radiyosi xewiri: «European Journal of Internal Medicine» namliq zhurnalda élan qilinghan maqalide, mewjut pakitlarning, gitlérning siyanid élip béshigha bir pay oq étip ölgenliki toghrisidiki söz – chöcheklerning toghriliqini delilligenliki ilgiri sürüldi.

2000 – yili rusiyening paytexti moskwada körgezme qilinghan gitlérning chishlirimu bar bash söngikini tekshürüp chiqqan mutexessisler, hasil bolghan melumatlarning natsist rehberning bérlin qoldin kétishtin bir qanche kün burun, yeni 1945 – yili 30 – aprélda ölgenlikini otturigha qoyghanliqini bildürdi.

qalduqlar buningdin ilgiri tekshürülgen bolsimu, gitlérning ewrishke élinishigha ruxset qilinmighanidi. bu qétim, tetqiqatchilarning qalduqlardin élinghan ewrishkilerni éléktironluq mikroskop bilen tekshürüshige imkaniyet yaritip bérildi.

tekshürüshler, gitlérgha tewe ikenliki delillengen chishlarda aq dagh barliqini, sewze istémal qilidighanliqi üchün gösh talasi yoqluqini otturigha chiqardi. chishlarda yene miltiq dorisi qalduqlirimu bayqalmidi. bumu gitlérning tapanchisini éghizigha tiqip turup özini atqanliqi toghrisidiki dewalarni yoqqa chiqiridu.

tekshürüsh esnasida yene, gitlérning saldurma chishlirida siyanid we chish métalliri arisidiki ximiyelik réaksiyening körsetküchi süpitide kök qalduqlar tépildi.

tetqiqatchilar, gitlérning moskwadiki dölet arxipida saqliniwatqan bash söngikinimu tekshürüp, sol tereptiki töshükni bir oqning peyda qilghanliqigha isharet qildi.

tarixchilar, gitlérning rus eskerler bérlingha kirishtin ilgiri bir yer asti qoghdinish öyige kirip, öylengili uzun bolmighan éwa biraun bilen birlikte özini öltürüwalghan, dep qaraydu.

gitlérning jesitining mezkur qoghdinish öyige yéqin jayda natsist ofitsérlar teripidin köydürülgenliki, chish we bash söngiki dégendek qalduqlirining bolsa, kéyinche ruslar teripidin qolgha chüshürülüp, sowét ittipaqi diktatori joséf stalinning buyruqi bilen moskwagha élip kétilgenliki ilgiri sürülidu.

ölümidin kéyin, gitlérning qéchip ketkenliki, hetta hazirmu hayat ikenliki toghrisida nurghun söz – chöchekler bolghanidi.


خەتكۈچ: gérmaniye , gitlér

مۇناسىۋەتلىك خەۋەرلەر