shimaliy koréye jenubiy koréyedin panahliq tiligen ishchilarni qayturup bérishni telep qildi

shimaliy koréye, 2016 – yili xitaydiki bir réstoranda ishlewatqan jeryanda jenubiy koréyege qéchip ketken 13 ishchining qayturup bérilishni telep qildi.

shimaliy koréye jenubiy koréyedin panahliq tiligen ishchilarni qayturup bérishni telep qildi

türkiye awazi radiyosi xewiri: xitayning sherqiy shimaligha jaylashqan jéjyang ölkisining ningbo shehiridiki bir shimaliy koréye réstoranida ishleydighan 12 ayal bilen bir erning jenubiy koréyedin panahliq tilishige alaqidar detalashlar dawam qilmaqta.

shimaliy koréyelik emeldarlar ishchilarni qayturup bérish üchün jenubiy koréyege iltimas sundi, bu jeryanda mezkur ishchilarning panahliq tilimigenliki, eksiche tutup kétilgenliki ilgiri sürüldi.

jenubiy koréyediki yonxap xewer agéntliqi shimaliy koréyening KCNA xewer agéntliqini menbe qilghan halda, shimaliy koréye qizil kiris jemiytining bir emeldarining «jenubiy koréye dairiliri, park hakimiyitining yéyilmighan zulumini qobul qilishi, bu weqege arilashquchilarni qattiq jazalishi, ayal puqralirimizni aililirige kéchiktürmestin yolgha sélip qoyushi we bu arqiliq shimal – jenub munasiwetlirini güllendürüsh isteklirini namayan qilishi lazim. aldimizdiki mezgillerdiki pozitsiyelirini éhtiyatchanliq bilen küzitimiz» dégenlikini neqil qildi.

mezkur kishilerning «mejburiy tutup kétilgenliki» ni ilgiri sürgen qizil kiris jemiyiti emeldari, xitaydiki shimaliy koréye réstoranining xojayini ikenliki eskertilgen bir kishining jenubiy koréye téléwiziye qaniligha qilghan sözlirining tutup kétish weqesini jezmleshtürgenlikini eskertti.

shimaliy koréye, ishchilarni tutup kétish weqesining jenubiy koréyening sabiq pirézidénti park géun xé hökümiti teripidin pilanlanghan bolush éhtimali barliqini qeyt qilip, séuldiki mewjut hökümetni kona hökümetning xataliqini qobul qilishqa we uni tüzitishke chaqirdi.


خەتكۈچ: ishchi , koréye

مۇناسىۋەتلىك خەۋەرلەر