tramp shimaliy koréye heqqide «qéni némiler bolidighanliqini körimiz» dédi

amérika pirézidénti donald tramp özbékistan pirézidénti shewket mirzayéw bilen aqsarayda uchrishishtin ilgiri muxbirlarning soallirigha jawab berdi.

tramp shimaliy koréye heqqide «qéni némiler bolidighanliqini körimiz» dédi

türkiye awazi radiyosi xewiri: amérika pirézidénti donald tramp 12iyunda shimaliy koréye rehbiri kim jongun bilen ötküzülüshi pilan qilinghan körüshüshning emeldin qaldurulidighan yaki qaldurulmaydighanliqi heqqide toxtilip: «qéni némiler bolidighanliqini körimiz» dédi. 

donald tramp özbékistan pirézidénti shewket mirzayéw bilen aqsarayda uchrishishtin ilgiri muxbirlarning soallirigha jawab berdi.

donald tramp amérika bilen jenubiy koréye otturisidiki herbiy maniwérni bahane qilip, shimaliy koréyening jenubiy koréye bilen bolghan yuqiri sewiyelik uchrishishni tonglitip qoyushi we 12 - iyunda ötküzülishi pilanghan uchrishishningmu xewp astida ikenliki heqqidiki agahlandursh élan qilghanliqi üstide toxtaldi.

donald tramp shimaliy koréyening özige héchbir melumat yollimighanliqini tekitlep, «téxiche undaq birer ishni körüp yaki anglap baqmiduq. bizge héchqandaq melumat bérilmidi baki élan qilinmidi. némiler bolidighanliqini körimiz» dédi.

donald tramp shimaliy koréye rehbiri kim jongun bilen 12 - iyundiki uchrishishining ötküzülidighan yaki ötküzülmeydighanliqi heqiqdiki soalgha éniq jawap bérishtin özini qachurüp, «qéni némiler bolidighanliqini körimiz» dep jawap qayturush bilenla kupaye qildi.

shimaliy koréye amérika bilen jenubiy koréyening ortaq herbiy manéwirigha qarita «küshkürtish» dep baha bergen hemde jenubiy koréye bilen ötküzülidighan yuqiri derijilik muzakirilerni tonglitip qoyghan idi. 

shimaliy koréye rehbiri kim jongun bilen jenubiy koréye pirézidénti mun jainning 27 - aprélda ötküzgen uchrishishlirining dawami hésablinidighan hemde bügün chégradiki panjumum urush toxtitish yézisida ötküzülüshi pilanlanghan yuqiri derijilik uchrishishlarning tonglitip qoyulghanliqi élan qilinghan idi.

shimaliy koréyening resmiy xewer agéntliqi «KCNA» ning xewiride, «jenubiy koréyede ötküzülgen we shimaliy koréyeni hujum nishani qilghan herbiy manéwir panjumun kélishimnamisige yirginishlik urush élan qilghanliq we koréye yérim arilidiki ijabiy siyasiy ilgirleshlerge qarita herbiy buzghunchiliq qilish herikitidur» dep baha bérilgen idi.

shimaliy koréye buningdin bashqa yene, 12iyunda tramp bilen kim jongun otturisida ötküzülidighan uchrishishningmu emeldin qilish mumkinliki heqqide agahlandurushta bolghan idi.



مۇناسىۋەتلىك خەۋەرلەر