трамп шималий корейә һәққидә «қени немиләр болидиғанлиқини көримиз» деди

америка пирезиденти доналд трамп өзбекистан пирезиденти шәвкәт мирзайев билән ақсарайда учришиштин илгири мухбирларниң соаллириға җаваб бәрди.

трамп шималий корейә һәққидә «қени немиләр болидиғанлиқини көримиз» деди

түркийә авази радийоси хәвири: америка пирезиденти доналд трамп 12ийунда шималий корейә рәһбири ким җоңун билән өткүзүлүши пилан қилинған көрүшүшниң әмәлдин қалдурулидиған йаки қалдурулмайдиғанлиқи һәққидә тохтилип: «қени немиләр болидиғанлиқини көримиз» деди. 

доналд трамп өзбекистан пирезиденти шәвкәт мирзайев билән ақсарайда учришиштин илгири мухбирларниң соаллириға җаваб бәрди.

доналд трамп америка билән җәнубий корейә оттурисидики һәрбий маниверни баһанә қилип, шималий корейәниң җәнубий корейә билән болған йуқири сәвийәлик учришишни тоңлитип қойуши вә 12 - ийунда өткүзүлиши пиланған учришишниңму хәвп астида икәнлики һәққидики агаһландурш елан қилғанлиқи үстидә тохталди.

доналд трамп шималий корейәниң өзигә һечбир мәлумат йоллимиғанлиқини тәкитләп, «техичә ундақ бирәр ишни көрүп йаки аңлап бақмидуқ. бизгә һечқандақ мәлумат берилмиди баки елан қилинмиди. немиләр болидиғанлиқини көримиз» деди.

доналд трамп шималий корейә рәһбири ким җоңун билән 12 - ийундики учришишиниң өткүзүлидиған йаки өткүзүлмәйдиғанлиқи һәқиқдики соалға ениқ җавап бериштин өзини қачурүп, «қени немиләр болидиғанлиқини көримиз» дәп җавап қайтуруш биләнла купайә қилди.

шималий корейә америка билән җәнубий корейәниң ортақ һәрбий маневириға қарита «күшкүртиш» дәп баһа бәргән һәмдә җәнубий корейә билән өткүзүлидиған йуқири дәриҗилик музакириләрни тоңлитип қойған иди. 

шималий корейә рәһбири ким җоңун билән җәнубий корейә пирезиденти мун җаинниң 27 - апрелда өткүзгән учришишлириниң давами һесаблинидиған һәмдә бүгүн чеградики панҗумум уруш тохтитиш йезисида өткүзүлүши пиланланған йуқири дәриҗилик учришишларниң тоңлитип қойулғанлиқи елан қилинған иди.

шималий корейәниң рәсмий хәвәр агентлиқи «KCNA» ниң хәвиридә, «җәнубий корейәдә өткүзүлгән вә шималий корейәни һуҗум нишани қилған һәрбий маневир панҗумун келишимнамисигә йиргинишлик уруш елан қилғанлиқ вә корейә йерим арилидики иҗабий сийасий илгирләшләргә қарита һәрбий бузғунчилиқ қилиш һәрикитидур» дәп баһа берилгән иди.

шималий корейә буниңдин башқа йәнә, 12ийунда трамп билән ким җоңун оттурисида өткүзүлидиған учришишниңму әмәлдин қилиш мумкинлики һәққидә агаһландурушта болған иди.



مۇناسىۋەتلىك خەۋەرلەر