rusiye 2016-yildiki amérika saylimida trampni qollighan

amérika kéngesh palatasi istixbarat komitéti rusiyening 2016-yili amérika pirézidént saylimigha arilashqanliqini we donald trampning saylamda ghelibe qilishi meqsitige ige ikenlikini jezmleshtürdi.

rusiye 2016-yildiki amérika saylimida trampni qollighan

türkiye awazi radiyosi xewiri: amérika kéngesh palatasi istixbarat komitéti rusiyening saylamgha arilashqanliqigha munasiwetlik tekshürüsh qararini yazmiche élan qildi. komitét bashliqi jumhuriyetchilerdin shimaliy karolina kéngesh palata ezasi richard bur bayatida: "héchqandaq shübhe yoqki, rusiye 2016-yildiki saylamlargha qol tiqish üchün ilgiri körülüp baqmighan derijide tirishchanliq körsetken. amérika istixbarat teshkilatlirining bu toghridiki qarishigha qarshi chiqidighangha héchqandaq sewebimiz yoq" dédi.

muawin komitét bashliqi démokratlardin mark wornér: "rusiyening tirishchanliqi kang dairelik we nahayiti murekkep bolup, biwaste pirézidént putinning yolyuruqi bilen donald trampqa yardem qilish we yene bir namzat hilari klintongha ziyan sélish üchün qilinghan" dédi.

komitét bashliqi bur komitétning tekshürüshke munasiwetlik axirqi xizmetlirini pat arida tamamlap, eng axirqi doklatini awghust éyida jemiyetke élan qilidighanliqlirini eskertti.

kéngesh palatasi istixbarat komitétining tekshürüsh qararining, amérika kongresining yene bir qaniti bolghan awam palatasi istixbarat komitéti bilen ziddiyetlik bolushi diqqet qozghidi.

jumhuriyetchiler köp sanliqni igileydighan awam palatasi istixbarat komitétining 27-apréldiki mesilige munasiwetlik eng axirqi doklatida, trampning saylam seperwerlik xadimliri bilen rusiye arisida mexpiy hemkarliq ornatqanliqi toghrisida héchqandaq delil yoqluqini bildürgen idi.



مۇناسىۋەتلىك خەۋەرلەر