русийә 2016-йилдики америка сайлимида трампни қоллиған

америка кеңәш палатаси истихбарат комитети русийәниң 2016-йили америка пирезидент сайлимиға арилашқанлиқини вә доналд трампниң сайламда ғәлибә қилиши мәқситигә игә икәнликини җәзмләштүрди.

русийә 2016-йилдики америка сайлимида трампни қоллиған

түркийә авази радийоси хәвири: америка кеңәш палатаси истихбарат комитети русийәниң сайламға арилашқанлиқиға мунасивәтлик тәкшүрүш қарарини йазмичә елан қилди. комитет башлиқи җумһурийәтчиләрдин шималий каролина кеңәш палата әзаси ричард бур байатида: "һечқандақ шүбһә йоқки, русийә 2016-йилдики сайламларға қол тиқиш үчүн илгири көрүлүп бақмиған дәриҗидә тиришчанлиқ көрсәткән. америка истихбарат тәшкилатлириниң бу тоғридики қаришиға қарши чиқидиғанға һечқандақ сәвәбимиз йоқ" деди.

муавин комитет башлиқи демократлардин марк ворнер: "русийәниң тиришчанлиқи каң даирәлик вә наһайити мурәккәп болуп, бивастә пирезидент путинниң йолйуруқи билән доналд трампқа йардәм қилиш вә йәнә бир намзат һилари клинтонға зийан селиш үчүн қилинған" деди.

комитет башлиқи бур комитетниң тәкшүрүшкә мунасивәтлик ахирқи хизмәтлирини пат арида тамамлап, әң ахирқи доклатини авғуст ейида җәмийәткә елан қилидиғанлиқлирини әскәртти.

кеңәш палатаси истихбарат комитетиниң тәкшүрүш қарариниң, америка конгрәсиниң йәнә бир қанити болған авам палатаси истихбарат комитети билән зиддийәтлик болуши диққәт қозғиди.

җумһурийәтчиләр көп санлиқни игиләйдиған авам палатаси истихбарат комитетиниң 27-апрелдики мәсилигә мунасивәтлик әң ахирқи доклатида, трампниң сайлам сәпәрвәрлик хадимлири билән русийә арисида мәхпий һәмкарлиқ орнатқанлиқи тоғрисида һечқандақ дәлил йоқлуқини билдүргән иди.



مۇناسىۋەتلىك خەۋەرلەر