pars qoltuqi döletliri hizbullahni térrorluq tizimlikige kirgüzdi

seudi erebistan, liwandiki hizbullah teshkilati bash katibi hesen nasrallah bilen muawini qasimnimu öz ichige alghan 8 kishi we 2 organni térrorluq tizimlikige kirgüzdi.

pars qoltuqi döletliri hizbullahni térrorluq tizimlikige kirgüzdi

 

türkiye awazi radiyosi xewiri: seudi erebistan resmiy xewer agéntliqi «SPA»ning dölet bixeterlik ministirliqi teripidin élan qilinghan bayanatni menbe körsetken xewiride, hizbullahning qarar merkizi shura kéngishi ezaliridin nasrallah we qasimdin bashqa yene, muhemmed yezbek, huseyin xelil, ibrahim emin esseyid qatarliq kishilerningmu térrorluq tizimlikige kirgüzülgenliki bildürüldi.

bu qararning térrorluqning maliye menbesige zerbe bérish merkiziy «TFTC» ning teng deirijilik bashliqi amérika hemde eza döletlerdin behreyn, küweyt, umman, qatar we ereb birleshme xelipiliki teripidinmu ortaq maqullanghanliqi qeyt qilindi.

bayanatta, hizbullahni qollash xaraktérlik paaliyetlerde bolghan talal hammiye, eli yüsüf sherrara we hüseyin ibrahimi qatarliq 3 kishi bilen «Spectrum Group» we «mahir qurulush we höddigerlik shirkiti» ningmu térrorluq tizimlikige kirgüzülgenliki uqturuldi. bu kishiler we organlarning b d t ning 1373 - nomurluq höjjitige mas halda seudi erebistandiki térrorluqqa we térrorluqni maliye bilen teminlesh jinayetlirige qarshi küresh sistémisining xizmetliri dairiside térrorluq tizimlikige kirgüzülgenliki bildürüldi. tizimlikke élinghan bu kishilerning alaqidar döletlerdiki barliq mal - mülki tonglitildi.

bayanatta, «hizbullah yer shari xaraktérlik térrorluq teshkilati» dep eyiblinish bilen birge yene, hizbullahning qoralliq yaki siyasiy paaliyet bilen shughulliniwatqan ezaliriningmu bu jehette perqlenmeydighanliqi alahide tekitlendi.  

hizbullah we uning qollighuchisi iran yuqiriqi bayanatta, «süriyediki insaniyetke zit mesililerni téximu uzungha sozush, iraq we yemendiki zorawanliq weqelirini téximu ewj aldurush, liwanni we liwan xelqini xewpke ittirishtin bashqa yene, pütün ottura sherqni muqimsizlashturush bilen» eyiblendi.

amérika maliye ministirliqimu qisqighine mezgil ilgiri hizbullah bash katipi nasrallahqa qaritilghan émbargolarning téximu kéngeytilgenlikini, naim qasimnimu öz ichige 4 emeldarning tunji qétim émbargo tizimlikige kirgüzgenlikini élan qilghan idi. 



مۇناسىۋەتلىك خەۋەرلەر