gollandiye bash ministiri amérika pirézidénti donald trampni tenqid qildi

gollandiye bash ministiri mark rut amérika pirézidénti donald trampni iran bilen 2015 – yili tüzülgen yadro kélishimidin chékinish qarari alghanliqi tüpeylidin tenqid qildi.

gollandiye bash ministiri amérika pirézidénti donald trampni tenqid qildi

türkiye awazi radiyosi xewiri: mark rut bulghariyening paytexti sofiyede yawro ittipaqi döletlirining rehberliri üchün bérilgen kechlik ziyapettin kéyin gollandiye taratqulirigha bayanat élan qildi.

mark rut: «amérikining iran bilen tüzgen kélishimidin chékinishi pütünley hamaqetlik. amérika bashqa nurghunlighan mesililerde ittipaqdashlirini nezerdin saqit qilip öz béshimchiliq bilen ish qilmaqta. bu hergizmu yaxshi ish emes» dédi. 

yawropa ittiipaqining bu mesilide amérikini dawamliq agahlandurup kelgenlikini tekitligen rut: «pirézidént makron bundaq qilmasliq kéreklikini qetiyilik bilen ilgiri sürüp keldi. <undaq qilma> dégen gérmaniye bash ministiri angéla mérkélghimu pisent qilmastin, tramp ikki kündin kéyinla shundaq qilidighanliqini élan qildi» dédi.

amérika pirézidénti donald tramp 8mayda 5+1 döletliri bilen iran otturisida imzalanghan yadro kélishimidin chékinip chiqidighanliqini élan qilghan idi. 


خەتكۈچ: donald tramp , gollandiye

مۇناسىۋەتلىك خەۋەرلەر