голландийә баш министири америка пирезиденти доналд трампни тәнқид қилди

голландийә баш министири марк рут америка пирезиденти доналд трампни иран билән 2015 – йили түзүлгән йадро келишимидин чекиниш қарари алғанлиқи түпәйлидин тәнқид қилди.

голландийә баш министири америка пирезиденти доналд трампни тәнқид қилди

түркийә авази радийоси хәвири: марк рут булғарийәниң пайтәхти софийәдә йавро иттипақи дөләтлириниң рәһбәрлири үчүн берилгән кәчлик зийапәттин кейин голландийә таратқулириға байанат елан қилди.

марк рут: «америкиниң иран билән түзгән келишимидин чекиниши пүтүнләй һамақәтлик. америка башқа нурғунлиған мәсилиләрдә иттипақдашлирини нәзәрдин сақит қилип өз бешимчилиқ билән иш қилмақта. бу һәргизму йахши иш әмәс» деди. 

йавропа иттиипақиниң бу мәсилидә америкини давамлиқ агаһландуруп кәлгәнликини тәкитлигән рут: «пирезидент макрон бундақ қилмаслиқ керәкликини қәтийилик билән илгири сүрүп кәлди. <ундақ қилма> дегән германийә баш министири ангела меркелғиму писәнт қилмастин, трамп икки күндин кейинла шундақ қилидиғанлиқини елан қилди» деди.

америка пирезиденти доналд трамп 8майда 5+1 дөләтлири билән иран оттурисида имзаланған йадро келишимидин чекинип чиқидиғанлиқини елан қилған иди. 



مۇناسىۋەتلىك خەۋەرلەر