putin, rusiye bilen qirim arisidiki kerch köwrükini xizmetke kirishtürdi

rusiye pirézidénti wiladimir putin, döliti bilen qirim yérim arili arisigha sélinghan 19 kilométir uzunluqtiki kerch köwrükini xizmetke kirishtürdi.

putin kamyon.jpg

türkiye awazi radiyosi xewiri:  pirézidént wiladimir putin, azak déngizi bilen qaradéngizni tutashturidighan kerch boghizidiki köwrükning échilish murasimgha aptomobilini heydep bardi.

uzunluq jehette yawropa we rusiyening eng uzun köwrüki hésablinidighan kerch köwrükining échilish lintisini kesken wiladimir putin murasimda söz qilip, köwrükning échilishigha tarixiy bir kün, dep baha berdi we köwrük sayisida qirim we siwastopol bilen téximu küchlük shekilde yéqinlashqanliqlirini bildürdi.

ukraina pirézidénti pétro poroshénko bolsa, kerch köwrükining échilishigha naraziliq bildürdi؛ échilish murasimining «mesxirilik bir shekilde» stalin tüzümi teripidin ishqa ashurulghan qirim tatar sürgünining xatire künidin ilgiri ötküzülgenlikige isharet qilghan poroshénko, «qanunsiz shekilde sélinghan kerch köwrüki krémilning yene xelqara qanunlargha xilapliq qilghanliqining körsetküchidur» dédi.

pirézidént poroshénko, moskwaning qirim yérim arilining muweqqet ishghalini qanunlashturush üchün bihude küch chiqiriwatqanliqini éytti.

u, ukrainaning kerch köwrüki toghrisida xelqara sehnide qanuniy heqlirini telep qilidighanliqini bildürdi we  rusiye dairilirining  yérim aralgha yawropaliq soda – sanaetchilerni jelp qilishqa tirishiwatqanliqini, biraq ünüm hasil qilalmaydighanliqini ilgiri sürdi.

rusiye, 2014 – yili ukrainagha qarashliq qirim yérim arilini qanunsiz rewishte özige qoshuwalghanidi.


خەتكۈچ: köwrük , qirim , rusiye

مۇناسىۋەتلىك خەۋەرلەر