путин, русийә билән қирим арисидики кәрч көврүкини хизмәткә кириштүрди

русийә пирезиденти виладимир путин, дөлити билән қирим йерим арили арисиға селинған 19 километир узунлуқтики кәрч көврүкини хизмәткә кириштүрди.

putin kamyon.jpg

түркийә авази радийоси хәвири:  пирезидент виладимир путин, азак деңизи билән қарадеңизни туташтуридиған кәрч боғизидики көврүкниң ечилиш мурасимға аптомобилини һәйдәп барди.

узунлуқ җәһәттә йавропа вә русийәниң әң узун көврүки һесаблинидиған кәрч көврүкиниң ечилиш линтисини кәскән виладимир путин мурасимда сөз қилип, көврүкниң ечилишиға тарихий бир күн, дәп баһа бәрди вә көврүк сайисида қирим вә сивастопол билән техиму күчлүк шәкилдә йеқинлашқанлиқлирини билдүрди.

украина пирезиденти петро порошенко болса, кәрч көврүкиниң ечилишиға наразилиқ билдүрди؛ ечилиш мурасиминиң «мәсхирилик бир шәкилдә» сталин түзүми тәрипидин ишқа ашурулған қирим татар сүргүниниң хатирә күнидин илгири өткүзүлгәнликигә ишарәт қилған порошенко, «қанунсиз шәкилдә селинған кәрч көврүки кремилниң йәнә хәлқара қанунларға хилаплиқ қилғанлиқиниң көрсәткүчидур» деди.

пирезидент порошенко, москваниң қирим йерим арилиниң мувәққәт ишғалини қанунлаштуруш үчүн биһудә күч чиқириватқанлиқини ейтти.

у, украинаниң кәрч көврүки тоғрисида хәлқара сәһнидә қануний һәқлирини тәләп қилидиғанлиқини билдүрди вә  русийә даирилириниң  йерим аралға йавропалиқ сода – санаәтчиләрни җәлп қилишқа тиришиватқанлиқини, бирақ үнүм һасил қилалмайдиғанлиқини илгири сүрди.

русийә, 2014 – йили украинаға қарашлиқ қирим йерим арилини қанунсиз рәвиштә өзигә қошувалғаниди.



مۇناسىۋەتلىك خەۋەرلەر