хитай дөләтлик ахбарат васитилири бир мәркәзгә қарашлиқ болди

хитайда дөләткә аит ахбарат васитилирини «хитай ахбарат васитилири мәркизи» рамкиси астида бирләштүрүш мурасими өткүзүлди.

955739
хитай дөләтлик ахбарат васитилири бир мәркәзгә қарашлиқ болди

түркийә авази радийоси хәвири: шинхуа агентлиқиниң хәвәр қилишичә, хитай мәркизий телевизийә истансиси, дөләтлик радийо истансиси вә хәлқара радийо истансисидин тәшкил тапқан  «хитай ахбарат васитилири мәркизи» ни ишқа кириштүрүш мурасими түнүгүн өткүзүлгән.

мурасимға хитай коммунист партийәси мәркизий комитети сийасий бйурусиниң әзаси, қошумчә  мәркизий комитет тәшвиқат бөлүминиң муавин башлиқи хуаң кунмиңму иштирак қилған.

хуаң мурасимда қилған сөзидә, «хитай ахбарат васитилири мәркизи» ниң җамаәтчиликкә тәсир көрситиш вә йетәкләштә күчлүк мәркәз болидиғанлиқини ейтқан, һәмдә «хитай ахбарат васитилири мәркизи» ниң тоғра сийасәтни йолға қойуши вә хәлқни тоғра мәлуматлар билән тәминлиши лазимлиқини тәкитләп мундақ дегән: «мәтбуатларда ислаһат елип бериш, партийәниң ахбарат васитилирини башқуруш пиринсиплириға назарәтчилик қилишта наһайити зор әһмийәткә игә.»



مۇناسىۋەتلىك خەۋەرلەر