aqsaray trampning amérika qisimlirini chékindürüsh qararining éniq ikenlikini bildürdi

aqsaray firansiye pirézidénti makronning pirézidént donald trampni süriyedin chékinish qararidin waz kechtürgenliki heqqide éytqan sözlirige jawab qayturdi.

aqsaray trampning amérika qisimlirini chékindürüsh qararining éniq ikenlikini bildürdi

türkiye awazi radiyosi xewiri: aqsaray pirézidént trampning süriyediki amérika qisimlirini chékindürüsh telipining éniq ikenlikini bildürdi. aqsaray bayanatchisi sara sandérs firansiye pirézidénti makronning pirézidént donald trampni süriyedin esker chékindürmeslik toghrisida qayil qilghanliqi heqqide toxtilip, mundaq dédi:

«pirézidéntning amérika qisimlirining qisqa waqit ichide chékinish telipi nahayiti éniq.»

u sözini mundaq dawamlashturdi:

«amérikaning süriyediki meqsiti özgermidi, pirézidéntning amérika qisimlirining eng qisqa waqit ichide chékinish telipi nahayiti éniq. daéshni pütünley yoqitish we qayta tirilishining aldini élish tedbirlirini tüzüshte qetiy qarargha igimiz.»

firansiye pirézidénti «BFM» we «Mediapart» téléwiziyeside neq meydan pirogrammilirigha qatnashqanda, «pirézidént tramp amérika qisimlirining süriyedin chékinidighanliqini éytqan idi. biz amérikaliqlarni süriyede qélishqa qayil qilduq» dep bayanat bérishi, washingtonda bes-munazirelerge seweb bolghan idi.



مۇناسىۋەتلىك خەۋەرلەر