ақсарай трампниң америка қисимлирини чекиндүрүш қарариниң ениқ икәнликини билдүрди

ақсарай фирансийә пирезиденти макронниң пирезидент доналд трампни сүрийәдин чекиниш қараридин ваз кәчтүргәнлики һәққидә ейтқан сөзлиригә җаваб қайтурди.

ақсарай трампниң америка қисимлирини чекиндүрүш қарариниң ениқ икәнликини билдүрди

түркийә авази радийоси хәвири: ақсарай пирезидент трампниң сүрийәдики америка қисимлирини чекиндүрүш тәлипиниң ениқ икәнликини билдүрди. ақсарай байанатчиси сара сандерс фирансийә пирезиденти макронниң пирезидент доналд трампни сүрийәдин әскәр чекиндүрмәслик тоғрисида қайил қилғанлиқи һәққидә тохтилип, мундақ деди:

«пирезидентниң америка қисимлириниң қисқа вақит ичидә чекиниш тәлипи наһайити ениқ.»

у сөзини мундақ давамлаштурди:

«американиң сүрийәдики мәқсити өзгәрмиди, пирезидентниң америка қисимлириниң әң қисқа вақит ичидә чекиниш тәлипи наһайити ениқ. даешни пүтүнләй йоқитиш вә қайта тирилишиниң алдини елиш тәдбирлирини түзүштә қәтий қарарға игимиз.»

фирансийә пирезиденти «BFM» вә «Mediapart» телевизийәсидә нәқ мәйдан пирограммилириға қатнашқанда, «пирезидент трамп америка қисимлириниң сүрийәдин чекинидиғанлиқини ейтқан иди. биз америкалиқларни сүрийәдә қелишқа қайил қилдуқ» дәп байанат бериши, вашингтонда бәс-муназирәләргә сәвәб болған иди.



مۇناسىۋەتلىك خەۋەرلەر