nurghun sherqiy ghutelik azad qilinghan rayonlargha makanlashturuldi

esedning zulumidin qachqan bir qisim sherqiy ghutelik firat qalqini herbiy herikiti netijiside azad qilinghan rayonlargha makanlashturuldi.

nurghun sherqiy ghutelik azad qilinghan rayonlargha makanlashturuldi

türkiye awazi radiyosi xewiri: süriyede beshshar esed hakimiyitining qorshaw astida turuwatqan sherqiy ghute we dumani tashlap kétishke mejbur bolghan bir türküm ahale 22 saetlik seperdin kéyin firat qalqini herbiy netijiside azad qilinghan rayonlargha yétip keldi.

4 aptobus bilen rayongha kelgen köchmenler türkiye bash minsitirliq idarisigha qarashliq apet we jiddiy ehwallargha taqabil turush bashqarmisi teripidin berpa qilinghan iwa musapirlar lagérigha orunlashturuldi.

shundaq qilip firat qalqini herbiy herikiti netijiside azad qilinghan rayonlargha makanlashturulghan sherqiy ghutelikning sani 21minggha yetti.

duma nahiyesidiki ahaliler tamamen tarqaqlashturulghandin kéyin sherqiy ghute rayonining tizgini tamamen esed hakimiyitining qoligha ötidu.

sherqiy ghute rayonida bu yil 22-martta bashlighan tarqaqlashturush xizmiti jeryanida hazirghiche 65mingdin artuq adem süriyening shimalidiki rayonlargha köchürüwétildi.

dumada 7-aprélda ximiyewi qorallar hujumining yüz bérishige qarita amérika, engliye we firansiye herbiy qisimliri birliship süriyege hawadin herbiy heriket qozghighanidi.



مۇناسىۋەتلىك خەۋەرلەر