нурғун шәрқий ғутәлик азад қилинған районларға маканлаштурулди

әсәдниң зулумидин қачқан бир қисим шәрқий ғутәлик фират қалқини һәрбий һәрикити нәтиҗисидә азад қилинған районларға маканлаштурулди.

нурғун шәрқий ғутәлик азад қилинған районларға маканлаштурулди

түркийә авази радийоси хәвири: сүрийәдә бәшшар әсәд һакимийитиниң қоршав астида туруватқан шәрқий ғутә вә думани ташлап кетишкә мәҗбур болған бир түркүм аһалә 22 саәтлик сәпәрдин кейин фират қалқини һәрбий нәтиҗисидә азад қилинған районларға йетип кәлди.

4 аптобус билән районға кәлгән көчмәнләр түркийә баш минситирлиқ идарисиға қарашлиқ апәт вә җиддий әһвалларға тақабил туруш башқармиси тәрипидин бәрпа қилинған ива мусапирлар лагериға орунлаштурулди.

шундақ қилип фират қалқини һәрбий һәрикити нәтиҗисидә азад қилинған районларға маканлаштурулған шәрқий ғутәликниң сани 21миңға йәтти.

дума наһийәсидики аһалиләр тамамән тарқақлаштурулғандин кейин шәрқий ғутә райониниң тизгини тамамән әсәд һакимийитиниң қолиға өтиду.

шәрқий ғутә районида бу йил 22-мартта башлиған тарқақлаштуруш хизмити җәрйанида һазирғичә 65миңдин артуқ адәм сүрийәниң шималидики районларға көчүрүветилди.

думада 7-апрелда химийәви қораллар һуҗуминиң йүз беришигә қарита америка, әнглийә вә фирансийә һәрбий қисимлири бирлишип сүрийәгә һавадин һәрбий һәрикәт қозғиғаниди.



مۇناسىۋەتلىك خەۋەرلەر