xitay yaponiyedin yardem telep qildi

xitay hökümiti amérikigha qarshi yaponiyedin yardem telep qildi.

xitay yaponiyedin yardem telep qildi

türkiye awazi radiyosi xewiri: xitay tashqi ishlar ministiri wang yi xitay bilen yaponiyening amérikining «mudapielinish xaraktérlik iqtisadiy»siyasetlirige qarshi birlikte heriket qilishi lazimliqini éytti.

nöwettiki köp tereplik soda tüzümining muhapizet qilinishi lazimliqini eskertip ötken way yi, yaponiyedin erkin iqtisad tüzümini qollashni telep qildi.

amérika bilen xitay arisida soda urushining muqeddimisi dep qariliwatqan özgirishler, tramp hökümitining sirttin import qilinidighan polat-tömür we alyuminlargha qoshumche %25 tamozhna béji yolgha qoyushi bilen resmiy bashlidi.

xitay hökümiti amérikining bu siyasitige jawab süpitide, amérikidin import qilinidighan 128 xil mehsulatqa %15tin %25kiche baj qoyushni qarar qildi.

bu özgirishlerdin kéyin amérika hökümiti xitayning «amérika shirketlirining ilghar téxnikiliri bilen eqliy mülüklirini oghrilap kéliwatqanliqini»ilgiri sürüp, xitaydin import qilinidighan 1300 xil mehsulatqa %25 qoshumche baj qoyushni pilanliwatqanliqini uqturdi.

omumen qilip éytqanda xitayning mudapie, awiatsiye we ishlepchiqirish sahelirige zerbe bérishni nishan qilghan tizimlikke yadro riaktorliri, uran, polat-tömür, alyumin, gaz turbini, hawa we gaz qoyuqlanduridighan üsküniler, échitqu, bir qisim dora we waksina qatarliq nurghun mehsulat kirgüzüldi.

xitay hökümiti amérikining bu qararigha derhal jawab qayturdi.

xitay soda minsitirliqi amérikidin import qilinidighan 50 milyard dollarliq mehsulatlargha %25 tamozhna béji qoyushni qarar qildi.

xitayning intiqam xaraktérlik bu tizimlikige wiski, tamaka, kala goshi, pilastik, bughday, éléktir saymanliri, ximiyelik maddilar, aptomobil, purchaq qatarliq 106 xil mehsulat kirgüzüldi.


خەتكۈچ: yaponiye , amérika , xitay

مۇناسىۋەتلىك خەۋەرلەر