хитай йапонийәдин йардәм тәләп қилди

хитай һөкүмити америкиға қарши йапонийәдин йардәм тәләп қилди.

хитай йапонийәдин йардәм тәләп қилди

түркийә авази радийоси хәвири: хитай ташқи ишлар министири ваң йи хитай билән йапонийәниң америкиниң «мудапиәлиниш характерлик иқтисадий»сийасәтлиригә қарши бирликтә һәрикәт қилиши лазимлиқини ейтти.

нөвәттики көп тәрәплик сода түзүминиң муһапизәт қилиниши лазимлиқини әскәртип өткән вай йи, йапонийәдин әркин иқтисад түзүмини қоллашни тәләп қилди.

америка билән хитай арисида сода урушиниң муқәддимиси дәп қариливатқан өзгиришләр, трамп һөкүмитиниң сирттин импорт қилинидиған полат-төмүр вә алйуминларға қошумчә %25 таможна беҗи йолға қойуши билән рәсмий башлиди.

хитай һөкүмити америкиниң бу сийаситигә җаваб сүпитидә, америкидин импорт қилинидиған 128 хил мәһсулатқа %15тин %25кичә баҗ қойушни қарар қилди.

бу өзгиришләрдин кейин америка һөкүмити хитайниң «америка ширкәтлириниң илғар техникилири билән әқлий мүлүклирини оғрилап келиватқанлиқини»илгири сүрүп, хитайдин импорт қилинидиған 1300 хил мәһсулатқа %25 қошумчә баҗ қойушни пиланливатқанлиқини уқтурди.

омумән қилип ейтқанда хитайниң мудапиә, авиатсийә вә ишләпчиқириш саһәлиригә зәрбә беришни нишан қилған тизимликкә йадро риакторлири, уран, полат-төмүр, алйумин, газ турбини, һава вә газ қойуқландуридиған үскүниләр, ечитқу, бир қисим дора вә ваксина қатарлиқ нурғун мәһсулат киргүзүлди.

хитай һөкүмити америкиниң бу қарариға дәрһал җаваб қайтурди.

хитай сода минситирлиқи америкидин импорт қилинидиған 50 милйард долларлиқ мәһсулатларға %25 таможна беҗи қойушни қарар қилди.

хитайниң интиқам характерлик бу тизимликигә виски, тамака, кала гоши, пиластик, буғдай, електир сайманлири, химийәлик маддилар, аптомобил, пурчақ қатарлиқ 106 хил мәһсулат киргүзүлди.



مۇناسىۋەتلىك خەۋەرلەر