firansiyediki namayishlar toqunushqa aylinip ketti

firansiyede hökümetke qarshi ötküzülgen namayishlar toqunushqa aylinip ketti.

firansiyediki namayishlar toqunushqa aylinip ketti

türkiye awazi radiyosi xewiri: firansiyede hökümetke qarshi ötküzülgen namayishlarda namayishchilar bilen saqchilar arisida toqunush kélip chiqti.

51 namayishchini nazaret astigha alghan saqchilar bir qisim namayishchini soraq qilghandin kéyin qoyup bergen bolsa, 17 namayishchini qamaqxanida tutup qaldi.

namayishchilar bankilargha, öy-zémin shirketlirige, sughurta shirketliri bilen téléfon magzinlirigha hujum qildi.

alaqidar mesullar namayishchilarning éghir derijide maddiy ziyan keltürüp chiqarghanliqlirini bildürdi.

firansiyede nöwette nurghun mulazimet ornida ish tashlash herikiti dawamlishiwatqan bolsa, oxshimighan ijtimaiy qatlamlarmu her xil teleplerni otturigha qoyup namayish ötküzmekte.

on minglarche adem teleplirini hökümet dailirige yetküzüsh üchün namayish ötküzdi.

parizh ayrodurumigha tewe jaylarni ishghal qiliwalghan muhitperwerlerni qollash üchün nantés shehiride ötküzülgen namayishlar toqunushqa aylinip ketti.

saqchilar namayishchilargha bésimliq su we yash aqquzush bombisi ishletti.


خەتكۈچ: namayish , toqunush , firansiye

مۇناسىۋەتلىك خەۋەرلەر