xewpsizlik kéngishi rusiyening «süriye» teklipini ret qildi

birleshken döletler teshkilati xewpsizlik kéngishi rusiyening amérika qoshma ishtatliri, engliye we firansiyening süriyege qozghighan hawa hujumini eyiblesh tekilipini ret qildi.

xewpsizlik kéngishi rusiyening «süriye» teklipini ret qildi

türkiye awazi radiyosi xewiri: birleshken döletler teshkilati xewpsizlik kéngishi rusiyening teklipige binaen jiddiy yighin chaqirdi. yighinda, birleshken döletler teshkilati xewpsizlik kéngishi rusiyening amérika qoshma ishtatliri, engliye we firansiyening süriyede beshsher esed hakimiyitige qarshi qozghighan hawa hujumini eyiblesh tekilipini ret qildi.

amérika qoshma ishtatlirining birleshken döletler teshkilatida turushluq daimiy wekili niki héyli yighinda qilghan sözide mundaq dédi: «engliye, firansiye we amérika qoshma ishtatliri intiqam élish, jazalandurush yaki heywe körsitish üchün emes, eksiche, beshsher esed hakimiyitining insaniyetke qarshi wehshiylik qilishta ishletken ximiyelik qorallirini qayta ishlitishining aldini élish üchün heriketke ötti.  diplomatiyege qanchilighan qétim purset bergen bolsaqmu, tolimu epsuski, beshsher esed hakimiyiti ximiyelik qoral ishlitishni dawamlashturdi, shuning bilen, bizni heriketke ötüshke mejbur qildi.»



مۇناسىۋەتلىك خەۋەرلەر