хәвпсизлик кеңиши русийәниң «сүрийә» тәклипини рәт қилди

бирләшкән дөләтләр тәшкилати хәвпсизлик кеңиши русийәниң америка қошма иштатлири, әнглийә вә фирансийәниң сүрийәгә қозғиған һава һуҗумини әйибләш тәкилипини рәт қилди.

хәвпсизлик кеңиши русийәниң «сүрийә» тәклипини рәт қилди

түркийә авази радийоси хәвири: бирләшкән дөләтләр тәшкилати хәвпсизлик кеңиши русийәниң тәклипигә бинаән җиддий йиғин чақирди. йиғинда, бирләшкән дөләтләр тәшкилати хәвпсизлик кеңиши русийәниң америка қошма иштатлири, әнглийә вә фирансийәниң сүрийәдә бәшшәр әсәд һакимийитигә қарши қозғиған һава һуҗумини әйибләш тәкилипини рәт қилди.

америка қошма иштатлириниң бирләшкән дөләтләр тәшкилатида турушлуқ даимий вәкили ники һейли йиғинда қилған сөзидә мундақ деди: «әнглийә, фирансийә вә америка қошма иштатлири интиқам елиш, җазаландуруш йаки һәйвә көрситиш үчүн әмәс, әксичә, бәшшәр әсәд һакимийитиниң инсанийәткә қарши вәһшийлик қилишта ишләткән химийәлик қораллирини қайта ишлитишиниң алдини елиш үчүн һәрикәткә өтти.  дипломатийәгә қанчилиған қетим пурсәт бәргән болсақму, толиму әпсуски, бәшшәр әсәд һакимийити химийәлик қорал ишлитишни давамлаштурди, шуниң билән, бизни һәрикәткә өтүшкә мәҗбур қилди.»



مۇناسىۋەتلىك خەۋەرلەر