ispaniye bilen sénégal arisidiki sürkilish kücheymekte

türkiye awazi radiyosi xewiri: ispaniyening paytexti madridta yaymkeshlik qilidighan ikki sénégalliqning ispaniye saqchiliri sewebidin jénidin ayrilishi toghrisida tarqalghan xewerler ispaniye bilen sénégal arisida sürkilish peyda qildi.

sénégal pirézidénti makiy sal madrid sheherlik hökümet bashliqi manuél karménadin gumanliq ölüm weqeliri üstide tekshürüsh élip bérishni telep qildi.

pirézidént sal ispaniye dairiliri bilen bu mesilini muzakire qilish we ölüp ketkenlerning aile-tawabiatlirigha teselliy bérish üchün madridqa mexsus adem ewetti.

ispaniyediki sénégal diyaspora bashliqi soléyman elion diyallo: yawropada yashawatqan nurghun sénégalliq bar, ularning köp qismi zorawanliqqa duch kelmekte, dédi.

ispaniyede derdini anglaydighan birmu dölet orginining yaki emeldarning chiqmasliqidin zarlanghan diyallo sözini dawamlashturup mundaq dédi: «hazirghiche birmu saqchi üstide tekshürüsh élip bérilmidi.»

madridta yaymikeshlik qilip tirikchilik qilidighan 35 yashliq sénégalliq mame mabiyabe nidiyaye peyshenbe küni saqchilardin qéchish esnasida yürek késili qozghilip ölüp ketken bolsa, yene bir sénégalliq yaymikesh hüseyin mabiyamu jüme künidiki namayishta ölgenidi.  

ispaniye taratquliri saqchilarning hüseyin mabiyaning ölümi bilen héchqandaq munasiwiti yoqliqini ilgiri sürgen bolsa, xelqara taratquliri hüseyin mabiyaning saqchilarning oqida ölüp ketkenlikini bildürmekte.  

neq meydanni körgüchiler bolsa mame mabiyabe nidiyabening saqchilarning tayiqi sewebidin yürek késili qozghilip ölüp ketkenlikini ilgiri sürmekte.

peyshenbe küni weqedin kéyin sénégal tashqi ishlar ministiri siddiq kaba, ispaniyening dakar elchisi albérto wiréllani tashqi ishlar ministirliqigha chaqirtip aghzaki nota berdi.

bu weqedin kéyin paytext madridqa yighilghan yüzlerche sénégalliq namayish ötküzüp saqchilar bilen toqunushti. ipsaniye saqchiliri namayishqa qatnashqan 10dek sénégalliqini tutqun qildi.

weqening zoriyip kétishige qarita madrid sheher bashliqi manuéla karména firansiye ziyaritini yérim yolda toxtitip ispaniyege qaytishqa mejbur boldi.

ispaniyede texminen 64 ming sénégalliqning yashaydighanliqi bildürülmekte.