rusiyemu engliyening 23 déplomatiye xadimini chégradin qoghlap chiqiridighan boldi

rusiye engliyening 23 neper déplomatiye xadimining bir hepte ichide dölettin chéqip kétishini telep qildi.

rusiyemu engliyening 23 déplomatiye xadimini chégradin qoghlap chiqiridighan boldi

türkiye awazi radiyosi xewiri: rusiye tashqi ishlar ministirliqidin élan qilinghan yazma bayanatta, engliyening sabiq rusiye jasusi sérgéy sikripal we qizi yuliyaning zeherlinishige alaqidar rusiyege qarita küshkürtüsh xaraktérlik eybileshlerde bolghanliqi tüpeylidin 23 ingliz déplomatning rusiyede «qarshi élinmaydighan ademler» dep élan qilinghanliqi we chégradin qoghlap chiqirish qarari élinghanliqi bildürüldi.

engliye déplomatlirining bir hepte ichide dölettin chiqip kétishi kérekliki hemde sit pétérsburgda engliye konsulxanisining échilishigha bérilgen ruxsetningmu emeldin qaldurulghanliqi qeyt qilindi. 

bayanatta moskwaning oxshash derijide jawap qayturushning teqezasi süpitide, engliyege qarita bashqa qoshumche qedemlerni tashlash hoquqiningmu barliqi tekitlendi.

engliye hökümiti sabiq rusiye jasusi sikripalning zeherlinishige naraziliq süpitide rusiyege émbargo yürgüzüsh qarari alghanliqini we bu dairide rusiyening 23 neper déplomatiye xadimini chégradin qoghlap chiqiridighanliqini élan qilghan idi.

rusiye tashqi ishlar ministiri sérgéy lawrowning engliyede ziyarette bolushigha dair teklipnamining emeldin qaldurulishi bilen birge yene, rusiyede ötküzülidighan dunya longqusini talishish musabiqisighimu engliye dölet erbabliri we shah jemeti ezalirining qatnashmaydighanliqi élan qilinghan idi. 


خەتكۈچ: jasus , engliye , rusiye

مۇناسىۋەتلىك خەۋەرلەر