gherbiy qirghaqta 2 israiliye eskiri öldi
israiliye armiyesi teripidin élan qilinghan yazma bayanatta, ishchilarning ötüshini kapaletke ige qilish üchün teyinlgen qisimgha aptombil bilen élip bérilghan hujumda, 2 eskerning öltürülgenliki bildürüldi.
türkiye awazi radiyosi xewiri: israiliye dairlirining ilgiri sürishiche, ishghaliyet astidiki gherbiy qirghaqning jenin shehiri etrapidiki méwo dutan yehudiy olturaq royonigha yéqin jayda, bir pelestinlikning hujumida, 2 neper israiliye eskiri ölüp, 3 kishi yaridar bolghan.
israiliye armiyesi teripidin élan qilinghan yazma bayanatta, ishchilarning ötüshini kapaletke ige qilish üchün teyinlgen qisimgha aptombil bilen élip bérilghan hujumda, 2 eskerning öltürülgenliki bildürüldi.
bayanatta, weqede ölgen we yaridar bolghanlar heqqide tepsiliy melumat bérilmidi. hujum qilghanliqi ilgiri sürülgen pelestinlikning nazaretke élinghanliqi qeyt qilindi.
pelestin resmiy xewer agéntliqi wapaning xewiride bolsa, weqening bir pelestinlikke tewe aptomobil bilen israiliye eskerlirige tewe aptomobilning özara seqoshup kétishi sewebidin yüz bergenliki bildürüldi.
shahitlar, weqe tughdurghanliqi ilgiri sürülgen pelestinlikning gherbiy qirghaqtiki öyining etrapini israiliye eskerlirining qorshawgha alghanliqini éytti.
mezkur pelestinlikning 26 yash ikenliki we israiliyening ilgiri 17 ayliq qamaq jazasigha höküm qilip, 1 yildin kéyin qoyup bergenliki bildürülmekte.
